പരിശോധനയിൽ സ്കൂട്ടറിൽ കടത്തിയ 1.100 കിലോ കഞ്ചാവും 24.327 ഗ്രാം ഹാഷിഷ് ഓയിലുമാണ് കണ്ടെടുത്തത്.
ആലപ്പുഴ: കഞ്ചാവും ഹാഷീഷ് ഓയിലുമായി യുവാവ് പിടിയിൽ. തണ്ണീർമുക്കം കണ്ണങ്കര പുതുക്കരി വീട്ടിൽ പി എ വിയാസിനെയാണ് (28) ആലപ്പുഴ എക്സൈസ് റേഞ്ച് ഇൻസ്പെക്ടർ എസ് സതീഷും സംഘവും ചേർന്ന് പിടികൂടിയത്. ഇന്ന് പുലർച്ചെ കലവൂർ ജങ്ഷനിലാണ് സംഭവം. സ്ട്രൈക്കിങ് ഫോഴ്സ് ഡ്യൂട്ടിയുടെ ഭാഗമായി എക്സൈസ് നടത്തിയ പരിശോധനയിൽ സ്കൂട്ടറിൽ കടത്തിയ 1.100 കിലോ കഞ്ചാവും 24.327 ഗ്രാം ഹാഷിഷ് ഓയിലുമാണ് കണ്ടെടുത്തത്.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. എക്സൈസ് സംഘത്തില് പ്രിവന്റീവ് ഓഫീസർമാരായ മധു എസ്, സതീഷ്കുമാർ, സിവിൽ എക്സൈസ് ഓഫീസർമാരായ അനിലാൽ, സാജൻ ജോസഫ്, ഷെഫീക്ക്, വനിതാ സിവിൽ എക്സൈസ് ഓഫീസർ സുലേഖ എന്നിവർ ഉണ്ടായിരുന്നു.
കെഎസ്ആർടിസി ബസ് ബൈക്കിലിടിച്ചു, കോഴിക്കോട്ട് നഗരമധ്യത്തിൽ ദമ്പതികൾക്ക് ദാരുണാന്ത്യം
