കൊച്ചി: സംസ്ഥാനത്ത് സ്വര്‍ണ വില കുറഞ്ഞു. പവന് 80 രൂപയും ഗ്രാമിന് 10 രൂപയുമാണ് ഇന്ന് കുറഞ്ഞത്. ഇതോടെ പവന് 21,360 രൂപയും, ഗ്രാമിന് 2,670 രൂപയുമാണ് നിരക്ക്. 31 ഗ്രാമിന്റെ ട്രോയ് ഔണ്‍സിന് 1,266 ഡോളറാണ് ആഗോള വിപണിയിലെ നിരക്ക്.

കഴിഞ്ഞ മാസം ആദ്യം 21,880 രൂപയായിരുന്നു സ്വര്‍ണ്ണവില. ജി.എസ്.ടി പ്രാബല്യത്തില്‍ വന്നതിന് ശേഷം വിപണിയില്‍ ആശങ്കകള്‍ നിലനില്‍ക്കെ വില കുറഞ്ഞ് 20,720 വരെ എത്തിയിരുന്നു. എന്നാല്‍ ജൂലൈ രണ്ടാം വാരത്തോടെ വില പിന്നെ ക്രമേണ ഉയരുന്നതായാണ് വിപണിയില്‍ ദൃശ്യമായത്. ഇതിനിടെയാണ് ഇന്ന് വിലയില്‍ നേരിയ കുറവുണ്ടായത്.