കൊച്ചി: സംസ്ഥാനത്ത് ഇന്നും സ്വര്‍ണ വില വര്‍ദ്ധിച്ചു. പവന് 200 രൂപയും ഗ്രാമിന് 25 രൂപയുമാണ് ഇന്ന് കൂടിയത്. പവന് 21,560 രൂപയും 2,695 രൂപയുമാണ് ഇന്നത്തെ നിരക്ക്. ഇന്നലെ പവന് 80 രൂപ വര്‍ദ്ധിച്ചിരുന്നു. കഴിഞ്ഞ ഏതാനും ദിവസങ്ങളായി സ്വര്‍ണ്ണവില ക്രമേണ വര്‍ദ്ധിച്ചുവരികയാണ്. ഈ മാസത്തെ ഏറ്റവും ഉയര്‍ന്ന വിലയിലാണ് ഇന്ന് വ്യാപാരം നടക്കുന്നത്. കഴിഞ്ഞ മാസം ആദ്യത്തില്‍ 21,880 രൂപയായിരുന്നു ഒരു പവന്‍ സ്വര്‍ണ്ണത്തിന്റെ വില. 31 ഗ്രാമിന്റെ ട്രോയ് ഔണ്‍സിന് 1,278 ഡോളറാണ് ആഗോള വിപണിയിലെ വില.