നാല് കോടിയുടെ സമ്മാനങ്ങളുമായി ഗ്രേറ്റ് കേരള ഷോപ്പിംഗ് ഉത്സവ്
അച്ചടി-ദൃശ്യ-ശ്രാവ്യ-നവ മാധ്യമങ്ങളെല്ലാം കൈകോര്ക്കുന്നതാണ് ജികെഎസ്യു. ഇന്ത്യയുടെ ചരിത്രത്തില് ആദ്യമായാണ് ഒരു സംസ്ഥാനത്തെ മാധ്യമങ്ങള് ഒരുമിച്ചുചേര്ന്ന് ഷോപ്പിങ് ഉത്സവം സംഘടിപ്പിക്കുന്നത്
കൊച്ചി: നാല് കോടി രൂപയുടെ സമ്മാനങ്ങളൊരുക്കി ഗ്രേറ്റ് കേരള ഷോപ്പിംഗ് ഉത്സവ് (ജികെഎസ്യു). നവംബര് 15 മുതല് ഡിസംബര് 16 വരെ നടക്കുന്ന ഷോപ്പിംഗ് ഉത്സവം കേരളത്തിലെ മുഴുവന് മാധ്യമ സ്ഥാപനങ്ങളും ചേര്ന്നാണ് ഒരുക്കുന്നത്. കല്യാണ് ജ്വല്ലേഴ്സ് സ്പോണ്സര് ചെയ്യുന്ന ഒരു കോടി രൂപയുടെ ഫ്ലാറ്റാണ് ബമ്പര് സമ്മാനം.
കല്യാണ് ജ്വല്ലേഴ്സില് നിന്ന് 1,000 രൂപയുടെ ഡിസ്കൗണ്ട് വൗച്ചര് ജികെഎസ്യുവില് പങ്കെടുക്കുന്ന എല്ലാവര്ക്കും ലഭിക്കും. കൂടാതെ, 10,000 രൂപയ്ക്ക് മുകളില് സ്വര്ണ-വജ്രാഭരണങ്ങള് വാങ്ങുമ്പോള് ഇത് ഉപയോഗിക്കുകയും ചെയ്യാം. കിറ്റെക്സ് നല്കുന്ന ബാക്ക് പായ്ക്ക് ബാഗുകള്, വണ്ടര്ലാ അമ്യൂസ്മെന്റ് പാര്ക്ക് സന്ദര്ശിക്കാനുള്ള എന്ട്രി പാസുകള്, ലീവര് ആയുഷ് - സഹീ ആയുര്വേദ നല്കുന്ന 1,000 രൂപയുടെ വീതമുള്ള ഗിഫ്റ്റ് ഹാംപറുകള് കാഫിന്റെ ഇലക്ട്രിക് ചിമ്മിനി അടക്കമുള്ള മറ്റ് സമ്മാനങ്ങളുമുണ്ട്.
പിട്ടാപ്പിള്ളില്, ജോസ് ആലുക്കാസ്, ബിസ്മി, ക്യുആര്എസ് എന്നിവിടങ്ങളില് നിന്ന് 2,000 രൂപയുടെ വീതമുള്ള ഡിസ്കൗണ്ട് വൗച്ചറുകളും നറുക്കെടുപ്പിലൂടെ തെരഞ്ഞെടുപ്പെടുന്ന ഭാഗ്യശാലികളെ കാത്തിരിക്കുന്നു. ദിവസം തോറുമുള്ള സമ്മാനങ്ങള്, ആഴ്ചകള് തോറുമുള്ള മെഗാ സമ്മാനങ്ങള് തുടങ്ങിയവയുമുണ്ട്.
മൊബൈല് കിങ് 1,750 രൂപയുടെ വീതമുള്ള ഡിസ്കൗണ്ട് വൗച്ചറുകള് സ്പോണ്സര് ചെയ്തിട്ടുണ്ട്. ആയിരം രൂപയോ അതില് കൂടുതലോ ചെലവഴിച്ച് കേരളത്തിലെ ചെറുതും വലുതുമായ വ്യാപാര സ്ഥാപനങ്ങളില് നിന്ന് സാധനങ്ങള് വാങ്ങുന്നവര്ക്കാണ് നറുക്കെടുപ്പിലൂടെ സമ്മാനങ്ങള് നല്കുന്നത്. ജികെഎസ്യുവിന്റെ വാട്സ്ആപ്പ് നമ്പറിലേക്ക് ജിഎസ്ടി പ്രകാരമുള്ള ബില്ലിന്റെ ചിത്രം മൊബൈലിലെടുത്ത് അയച്ചാല് മാത്രം മതിയാകും.
തുടര്നടപടികള് മറുപടി സന്ദേശമായി ലഭിക്കും. ജികെഎസ്യുവിന്റെ കാലയളവില് പ്രമുഖ വ്യാപാര സ്ഥാപനങ്ങളും ബ്രാന്ഡുകളും ആകര്ഷകമായ ഓഫറുകളും പ്രഖ്യാപിക്കും. ഇസാഫ് സ്മോള് ഫിനാന്സ് ബാങ്കാണ് ജികെഎസ്യുവിന്റെ റോഡ് ഷോ പാര്ട്ട്ണര്. അച്ചടി-ദൃശ്യ-ശ്രാവ്യ-നവ മാധ്യമങ്ങളെല്ലാം കൈകോര്ക്കുന്നതാണ് ജികെഎസ്യു.
ഇന്ത്യയുടെ ചരിത്രത്തില് ആദ്യമായാണ് ഒരു സംസ്ഥാനത്തെ മാധ്യമങ്ങള് ഒരുമിച്ചുചേര്ന്ന് ഷോപ്പിങ് ഉത്സവം സംഘടിപ്പിക്കുന്നത്. പ്രളയശേഷം കേരളത്തിലെ വാണിജ്യ മേഖലയിലുണ്ടായ തളര്ച്ച മറികടക്കാനും ഉപഭോക്താക്കള്ക്ക് മികച്ച ആനുകൂല്യങ്ങള് ഒരുക്കാനുമാണ് കേരള ഷോപ്പിംഗ് ഉത്സവ് സംഘടിപ്പിക്കുന്നത്.