ബിജെപി ടിക്കറ്റിൽ ഗുജറാത്തിലെ ജാംനഗറിൽ മത്സരിക്കുമെന്നാണ് റിപ്പോർട്ട്. പാട്ടിദാര് നേതാവും കോണ്ഗ്രസ് സ്ഥാനാര്ത്ഥിയുമായ ഹര്ദിക് പട്ടേലിനെതിരേയാണ് ജാംനഗറില് റിവാബ ജഡേജ മത്സരിക്കുക.
ജാംനഗര്: ക്രിക്കറ്റ് താരം രവീന്ദ്ര ജഡേജയുടെ ഭാര്യ റിവാബ ജഡേജയും തെരഞ്ഞെടുപ്പ് ഗോദയിലേക്ക്. ബിജെപി ടിക്കറ്റിൽ ഗുജറാത്തിലെ ജാംനഗറിൽ മത്സരിക്കുമെന്നാണ് റിപ്പോർട്ട്. പാട്ടിദാര് നേതാവും കോണ്ഗ്രസ് സ്ഥാനാര്ത്ഥിയുമായ ഹര്ദിക് പട്ടേലിനെതിരേയാണ് ജാംനഗറില് റിവാബ ജഡേജ മത്സരിക്കുക.
ബിജെപിയിലേക്ക് ചേർന്നതിന് പിന്നാലെ റിവാബയെ ഗുജറാത്തിലെ കർണി സേനയുടെ വനിതാ വിഭാഗം അധ്യക്ഷയായി നിയമിച്ചിരുന്നു. കാർണി സേനയുടെ പിൻതുണയോടെയാണ് റിവാബ മത്സരിക്കുകയെന്നും വാർത്തകളുണ്ട്. കഴിഞ്ഞ തവണ ബിജെപി നേതാവ് പൂനം മാഡമാണ് ജാംനഗറിൽ വിജയിച്ചത്. ബന്ധു കൂടിയായ കോൺഗ്രസ് നേതാവ് വിക്രം മാഡത്തെയാണ് പൂനം തോൽപ്പിച്ചത്.
