2019 ലോക്സഭാ തെരഞ്ഞെടുപ്പ്; കന്നിവോട്ടർമാരിൽ പശ്ചിമബംഗാൾ മുന്നിൽ
ലോക്സഭാ തെരഞ്ഞെടുപ്പിൽ രാജ്യത്തെ കന്നിവോട്ടർമാരിൽ പശ്ചിമബംഗാൾ മുന്നിൽ. തെരഞ്ഞെടുപ്പ് കമ്മീഷന്റെ കണക്കനുസരിച്ച് 20.1 ലക്ഷം കന്നിവോട്ടർമാരാണ് പശ്ചിമബംഗാളിലുള്ളത്.
ദില്ലി: 2019ലെ ലോക്സഭാ തെരഞ്ഞെടുപ്പിൽ രാജ്യത്തെ കന്നിവോട്ടർമാരിൽ പശ്ചിമബംഗാൾ മുന്നിൽ. ഉത്തർപ്രദേശ്, മധ്യപ്രദേശ് എന്നീ സംസ്ഥാനങ്ങളെ പിന്നിലാക്കിയാണ് പശ്ചിമബംഗാൾ ഒന്നാമതെത്തിയത്. തെരഞ്ഞെടുപ്പ് കമ്മീഷന്റെ കണക്കനുസരിച്ച് 20.1 ലക്ഷം കന്നിവോട്ടർമാരാണ് പശ്ചിമബംഗാളിലുള്ളത്.
ഉത്തർപ്രദേശാണ് രണ്ടാം സ്ഥാനത്ത്. 16.7 ലക്ഷം കന്നിവോട്ടർമാരാണ് ഉത്തർപ്രദേശിലുള്ളത്.13.6 ലക്ഷം കന്നിവോട്ടർമാരുള്ള മധ്യപ്രദേശാണ് മൂന്നാം സ്ഥാനത്ത്. രാജസ്ഥാൻ (12.8 ലക്ഷം), മഹാരാഷ്ട്ര (11.9 ലക്ഷം), തമിഴ്നാട് (8.9 ലക്ഷം), ആന്ധ്രപ്രദേശ് (5.3 ലക്ഷം) എന്നിങ്ങനെയാണ് മറ്റ് സംസ്ഥാനങ്ങളിലെ കന്നിവോട്ടർമാർ.