Bank Holidays 2022 June : ജൂണിൽ 12 ദിവസം ഇന്ത്യയിലെ ബാങ്കുകൾ തുറക്കില്ല; അവധി ദിനങ്ങൾ അറിയാം

 സുപ്രധാന പണമിടപാട് നടത്തേണ്ട ദിനത്തിൽ ബാങ്ക് അവധിയാണെങ്കിൽ എന്ത് ചെയ്യും. സമയ പരിധിക്കുള്ളിൽ ബാങ്ക് ഇടപാടുകൾ പൂർത്തിയാക്കാൻ ബാങ്ക് അവധി ദിനങ്ങൾ അറിഞ്ഞിരിക്കുന്നത് നല്ലതാണ്.

bank holiday

ബാങ്ക് ഇടപാടുകൾ നടത്താത്ത വ്യക്തികൾ ഇന്ന് വളരെ ചുരുക്കമായിരിക്കും. കാരണം, ഇന്ന് നമ്മുടെ വ്യക്തിപരവും സാമൂഹികവും തൊഴിൽപരവുമായ ജീവിതത്തിൽ ബാങ്കുകൾ ഒരു അവിഭാജ്യ ഘടകമായി മാറിയിരിക്കുന്നു. അതിനാൽ തന്നെ ബാങ്ക് അവധി ദിനങ്ങൾ മുൻകൂട്ടി അറിയുകയും അതിനനുസരിച്ച് ബാങ്കിംഗ് പ്രവർത്തനങ്ങൾ ആസൂത്രണം ചെയ്യുകയും ചെയ്യുന്നത് ഒരുപാട് ബുദ്ധിമുട്ടുകൾ ഒഴിവാക്കാൻ സഹായിക്കും. ഓൺലൈൻ ബാങ്ക് ഇടപാടുകൾ കൂടുതലും നടത്താറുണ്ടെങ്കിലും പലപ്പോഴും പല ഇടപാടുകൾക്കും നേരിട്ട് ബാങ്കിലെത്തേണ്ടതായി വരും. സുപ്രധാന പണമിടപാട് നടത്തേണ്ട ദിനത്തിൽ ബാങ്ക് അവധിയാണെങ്കിൽ എന്ത് ചെയ്യും. സമയ പരിധിക്കുള്ളിൽ ബാങ്ക് ഇടപാടുകൾ പൂർത്തിയാക്കാൻ ബാങ്ക് അവധി ദിനങ്ങൾ അറിഞ്ഞിരിക്കുന്നത് നല്ലതാണ്.

Read Also : Elon Musk : ഓഫീസിലെത്തി ജോലി ചെയ്യൂ, പറ്റില്ലെങ്കിൽ നിർത്തിയിട്ട് പോകൂ; വർക്ക് ഫ്രം ഹോം ഇനിയില്ലെന്ന് മസ്‌ക്

2022 ജൂണിൽ രാജ്യമാകെ ഒട്ടേറെ അവധികളാണ് ബാങ്കുകൾക്ക് ഉള്ളത്. റിസർവ് ബാങ്ക് ഓഫ് ഇന്ത്യയുടെ മാനദണ്ഡങ്ങൾക്ക് വിധേയമായി രാജ്യത്തെ സ്വകാര്യ ബാങ്കുകൾക്കും വിദേശ ബാങ്കുകൾക്കും സഹകരണ ബാങ്കുകൾക്കും റീജണൽ ബാങ്കുകൾക്കും ഒപ്പം പൊതുമേഖലാ ബാങ്കുകൾക്കും നിശ്ചിത ദിവസങ്ങളിൽ അവധി അനുവദിച്ചിട്ടുണ്ട്.ജൂൺ മാസത്തിൽ ബാങ്കുകൾക്ക് 12 ദിവസമാണ് അടഞ്ഞു കിടക്കുക. ഓരോ സംസ്ഥാനത്തും ബാങ്ക് അവധി ദിവസങ്ങളിൽ മാറ്റമുണ്ടാകും. ജൂൺ മാസത്തിലെ ബാങ്ക് അവധികളിൽ നാല് ഞായറും രണ്ടാമത്തെയും നാലാമത്തെയും ശനിയാഴ്ചകളും ഉൾപ്പെടുന്നു. ഒപ്പം മറ്റ് ആഘോഷ അവധികളും. അതേസമയം ബാങ്ക് അവധി ദിവസങ്ങളിലും ഉപഭോക്താക്കൾക്ക് ഓൺലൈൻ ബാങ്കിംഗ് സേവനങ്ങൾ ഉപയോഗിക്കാനാകും.

2022 ജൂൺമാസത്തിൽ ബാങ്ക് അവധികള്‍

1. ജൂൺ 2 വ്യാഴം - മഹാറാണാ പ്രതാപ് ജയന്തി, (ഹിമാചൽ പ്രദേശ്, ഹരിയാന, രാജസ്ഥാൻ) തെലങ്കാന രൂപീകരണ ദിനം (തെലങ്കാന)
2. ജൂൺ 3 വെള്ളി - ശ്രീ ഗുരു അർജുൻ ദേവ് ജിയുടെ രക്തസാക്ഷി ദിനം പഞ്ചാബ് (പഞ്ചാബ്)
3. ജൂൺ 5 ഞായർ - വാരാന്ത്യ അവധി (അഖിലേന്ത്യ ബാങ്ക് അവധി) 
4. ജൂൺ 11 ശനി - രണ്ടാം ശനിയാഴ്ച (അഖിലേന്ത്യ ബാങ്ക് അവധി) 
5. ജൂൺ12 ഞായർ - വാരാന്ത്യ അവധി (അഖിലേന്ത്യ ബാങ്ക് അവധി) 
6. ജൂൺ 14 ചൊവ്വ - പാഹിലി രാജ (ഒറീസ)
7. ജൂൺ 15 ബുധൻ - രാജ സംക്രാന്തി (ഒറീസ), വൈഎംഎ ദിനം (മിസോറാം), ഗുരു ഹർഗോവിന്ദ് ജിയുടെ ജന്മദിനം (ജമ്മു കശ്മീർ)
8. ജൂൺ 19 ഞായർ - വാരാന്ത്യ അവധി (അഖിലേന്ത്യ ബാങ്ക് അവധി) 
9. ജൂൺ 22 ബുധൻ - ഖർച്ചി പൂജ (ത്രിപുര)
10. ജൂൺ 25 ശനി - നാലാം ശനിയാഴ്ച (അഖിലേന്ത്യ ബാങ്ക് അവധി) 
11. ജൂൺ 26 ഞായർ - വാരാന്ത്യ അവധി (അഖിലേന്ത്യ ബാങ്ക് അവധി) 
12. ജൂൺ 30 ബുധൻ - റെംന നി (മിസോറാം)