സിവിൽ സപ്ലൈസ് കോർപ്പറേഷന്റെ ഓൺലൈൻ വിതരണ സംവിധാനം വ്യാപിപ്പിക്കും: ജി ആർ അനിൽ
പുതിയ റേഷൻ കാർഡുകൾ പരമാവധി വേഗത്തിൽ ലഭ്യമാക്കും.
തിരുവനന്തപുരം: കൊവിഡ് കാലത്ത് സിവിൽ സപ്ലൈസ് കോർപ്പറേഷന്റെ ഓൺലൈൻ വിതരണ സംവിധാനം കൂടുതൽ ഇടങ്ങളിലേക്ക് വ്യാപിപ്പിക്കുമെന്ന് ഭക്ഷ്യ- പൊതുവിതരണ വകുപ്പ് മന്ത്രി ജി ആർ അനിൽ. 107 ഇടങ്ങളിൽ നിലവിൽ ഈ സംവിധാനം ഉണ്ട്. റേഷൻ വ്യാപാരികളെ കൊവിഡ് സാഹചര്യത്തിൽ ഇൻഷുറൻസ് പരിഗണനയിൽ കൊണ്ടുവരുന്നത് ആലോചിക്കുമെന്നും അദ്ദേഹം വ്യക്തമാക്കി.
പുതിയ റേഷൻ കാർഡുകൾ പരമാവധി വേഗത്തിൽ ലഭ്യമാക്കും. എണ്ണായിരത്തോളം പുതിയ കാർഡുകൾ നൽകി. സാങ്കേതിക പ്രശ്നങ്ങളുളള അപേക്ഷകളാണ് ഇനിയുളളവയിൽ പലതും. ഓൺലൈനായി റേഷൻ കാർഡിന് അപേക്ഷിക്കുമ്പോൾ, അപേക്ഷ നടപടികൾ പൂർത്തിയാക്കിയ ശേഷം ഇ -കാർഡ് ഓൺലൈനായി ഡൗൺലോർഡ് ചെയ്യാനാകുമെന്നും അദ്ദേഹം പറഞ്ഞു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
