കേരളത്തില്‍ എണ്ണവില വീണ്ടും കുതിക്കുന്നു; പ്രതിസന്ധി സൃഷ്ടിച്ച് അമേരിക്ക- ഇറാന്‍ സംഘര്‍ഷം
ഒപെകിന്റെ ആകെ ഉത്പാദനത്തിന്റെ അഞ്ചിലൊന്ന് വരുമിത്.
തിരുവനന്തപുരം: രാജ്യാന്തര വിപണിയിൽ ക്രൂഡ് ഓയിൽ വില ഉയർന്നു. ബ്രെൻഡ് ക്രൂഡ് ബാരലിന് 3.06 ശതമാനം വില കൂടി 68.28 എന്ന നിരക്കിലെത്തി. വെസ്റ്റ് ടെക്സസ് ഇന്റർമീഡിയറ്റ് ക്രൂഡ് ബാരലിന് 2.88 ശതമാനം കൂടി 62.94 ൽ എത്തി. ഒപെകിലെ രണ്ടാമത്തെ വലിയ എണ്ണ ഉത്പാദകരാണ് ഇറാൻ. ലോകത്തിലെ എണ്ണയുടെ 10 ശതമാനത്തോളം ഇറാന്റെ പക്കലാണ്. ഒരിടവേളക്ക് ശേഷമുണ്ടായ അമേരിക്ക- ഇറാൻ ഇറാഖ് സംഘർഷമാണ് വീണ്ടും എണ്ണവില കുതിക്കുന്നതിന് കാരണമായത് ഇറാനും ഇറാഖും കഴിഞ്ഞ ഒരുമാസം പ്രതിദിനം 6.7 ദശലക്ഷം ബാരൽ ക്രൂഡ്ഓയിലാണ് ഉത്പാദിപ്പിച്ചുകൊണ്ടിരുന്നത്. ഒപെകിന്റെ ആകെ ഉത്പാദനത്തിന്റെ അഞ്ചിലൊന്ന് വരുമിത്.
സംസ്ഥാനത്തെ പെട്രോൾ ഡീസൽ വില നോക്കാം. പെട്രോളിന് 7 പൈസയും ഡീസലിന് 13 പൈസയും കേരളത്തില്‍ ഉയര്‍ന്നു.
തിരുവനന്തപുരം
പെട്രോൾ വില-78.74
ഡീസൽ വില-73.35
കൊച്ചി
പെട്രോൾ വില-77.37
ഡീസൽ വില-71.96
കോഴിക്കോട്
പെട്രോൾ വില-77.71
ഡീസൽ വില-72.30
