കേരളത്തില്‍ പെട്രോള്‍, ഡീസല്‍ നിരക്കുകള്‍ ഉയര്‍ന്നു; രാജ്യാന്തരവിപണിയില്‍ സമ്മര്‍ദ്ദം കടുക്കുന്നു
രാജ്യാന്തരവിപണിയിലെ അസംസ്കൃത എണ്ണ വിലയിലെ വർധനയാണ് ആഭ്യന്തരവിപണിയിലും പ്രതിഫലിക്കുന്നത്.
തിരുവനന്തപുരം: സംസ്ഥാനത്ത് ഇന്ധനവില കുതിക്കുന്നു. പെട്രോളിന് 15 പൈസ കൂടി 77.72 രൂപ ആയി. ഡീസലിന് 17 പൈസ കൂടി 72.41 രൂപയായി. പുതുവർഷത്തിൽ മാത്രം പെട്രോളിന് 50 പൈസയും ഡീസലിന് 68 പൈസയും കൂടി. രാജ്യാന്തരവിപണിയിലെ അസംസ്കൃത എണ്ണ വിലയിലെ വർധനയാണ് ആഭ്യന്തരവിപണിയിലും പ്രതിഫലിക്കുന്നത്. ബ്രെൻഡ് ക്രൂഡ് ബാരലിന് 2.42 % വർധനയിൽ 70.26 ഡോളറാണ് ഇന്നത്തെ നിരക്ക്. പശ്ചിമേഷ്യയിലെ സംഘർഷം നിലനിൽക്കുന്ന സാഹചര്യത്തിലാണ് ക്രൂഡ് ഓയിൽ വില കുതിക്കുന്നത്.
Last Updated Jan 6, 2020, 10:46 AM IST
