Asianet News MalayalamAsianet News Malayalam

ഹര്‍ത്താല്‍ ദിനങ്ങളില്‍ ആംബുലന്‍സുകള്‍ ഓടില്ല

ambulance cant run in harthal day
Author
First Published Aug 1, 2017, 6:21 AM IST

തിരുവനന്തപുരം: ഹര്‍ത്താല്‍ ദിനങ്ങളില്‍ ആംബുലന്‍സുകള്‍   സര്‍വീസ് നടത്തേണ്ടതില്ലെന്ന് തീരുമാനം . ഹര്‍ത്താലിനിടെ ആംബുലന്‍സുകള്‍   ആക്രമിക്കപ്പെടുന്നത് പതിവായതോടെയാണ് ഡ്രൈവര്‍മാരും ടെക്നീഷ്യന്മാരും ഈ തീരുമാനമെടുത്തത് .

ഹര്‍ത്താൽ ദിനത്തില്‍ ഒരു അപകടമുണ്ടായാൽ , രോഗികള്‍ക്കും ഡോക്ടർമാർക്കും ആശുപത്രികളിലെത്താൻ. അങ്ങനെ സമയവും കാലവും നോക്കാതെ സ‌‌ർവീസ് നടത്തിയിരുന്ന ആംബുലൻസുകൾ ഇനി ഹര്‍ത്താൽ ദിനങ്ങളിൽ സർവീസ് നടത്താൻ രണ്ടാമതൊന്ന് ആലോചിക്കും.

ഹർത്താൽ ദിവസങ്ങളിൽ സർവീസ് നടത്തിയ ആംബുലൻസുകൾക്കുനേരെ നിരന്തരം അക്രമമുണ്ടായതോടെയാണ് ഇത്തരമൊരു തീരുമാനം. കൊല്ലം , പാലക്കാട് , കണ്ണൂര്‍ ജില്ലകളിലായിരുന്നു കഴിഞ്ഞ ദിവസം ആംബുലൻസുകൾ ആക്രമണത്തിനിരയായത് .

ആക്രമണത്തിനിരയായാല്‍ പൊലീസ് സംരക്ഷണം ലഭിക്കാതെ പോകുന്നു . ജീവന് ഭീഷണി തുടങ്ങി നിരവധി പരാതികളാണ് ആംബുലന്‍സ് ഡ്രൈവര്‍മാരും ടെക്നീഷ്യൻമാരും ഉൾപ്പെടുന്ന അസോസിയേഷൻ ഉന്നയിക്കുന്നത് . ഹർത്താൽ ദിനത്തിൽ ഇവർ കൂടി പണിമുടക്കിയാൽ അപകടങ്ങളിൽപെടുന്നവരുള്‍പ്പെടെയുള്ള രോഗികളുടെ ജീവന്‍ തുലാസിലാകും.

Follow Us:
Download App:
  • android
  • ios