ചെന്നൈ അന്താരാഷ്ട്ര വിമാനത്താവളത്തിൽ ബോംബ് ഭീഷണി
- ഭീഷണിയെത്തിയത് ഉപരാഷ്ട്രപതി ചെന്നൈയിലെത്തുന്നതിന് മുന്നേ
- പ്രതിരോധമന്ത്രിയും ചെന്നൈയില്‍
ചെന്നൈ: ചെന്നൈ അന്താരാഷ്ട്ര വിമാനത്താവളത്തിൽ ബോംബ് ഭീഷണി. ഭീഷണിയെ തുടർന്ന് വിമാനത്താവളത്തിൽ അതീവ ജാഗ്രത പ്രഖ്യാപിച്ചു. ഉപരാഷ്ട്രപതി എം. വെങ്കയ്യ നായിഡുവും പ്രതിരോധ മന്ത്രി നിർമല സീതാരാമനും ചെന്നൈയിൽ എത്തുന്നതിന് മണിക്കൂറുകൾ മുമ്പാണ് ഭീഷണി സന്ദേശമെത്തിയത്.
ഹൈദരാബാദിനും ചെന്നൈയ്ക്കും ഇടയിൽ സർവീസ് നടത്തുന്ന ഒരു വിമാനക്കമ്പനിയുടെ ഓഫീസിലേക്കാണ് ഭീഷണി സന്ദേശമെത്തിയത്. ഉടൻ തന്നെ സുരക്ഷാ ഉദ്യോഗസ്ഥരെ വിവരമറിയിക്കുകയും അതീവ ജാഗ്രതാ നിർദ്ദേശം നൽകുകയും ചെയ്തു. 20 സർവീസുകളാണ് ഈ കമ്പനി ഹൈദരാബാദിനും ചെന്നൈയിക്കുമിടയിൽ നടത്തുന്നത്. സുരക്ഷാ ഉദ്യോഗസ്ഥരുടെ നേതൃത്വത്തില്‍ വിമാനത്താവളത്തില്‍ കനത്ത സുരക്ഷയൊരുക്കിയിട്ടുണ്ട്.
