കൊച്ചി: പുലിമുട്ടും, കടല്ഭിത്തിയും നിര്മ്മിക്കണമെന്ന് ആവശ്യപ്പെട്ട് കൊച്ചി ചെല്ലാനത്തെ തീരവാസികള് ഇന്ന് മുതല് റിലേ നിരാഹാരം തുടങ്ങും. എറണാകുളം കളക്ടറുമായുള്ള ചര്ച്ച പരാജയപ്പെട്ടതോടെയാണ് പ്രതിഷേധം ശക്തമാക്കാന് തീരുമാനിച്ചത്. പുലിമുട്ട് നിര്മ്മിക്കുന്നത് വരെ ദുരിതാശ്വാസ ക്യാമ്പുകളില് തുടരാനാണ് 200 ഓളം കുടുംബങ്ങളുടെ തീരുമാനം.
ഓഖി ചുഴലിക്കാറ്റ് ദുരന്തം വിതച്ച സാഹചര്യത്തിലാണ് കടല് ദുരന്തങ്ങള് നേരിടാന് സ്ഥിരം രക്ഷാസംവിധാനം വേണമെന്നാവശ്യപ്പെട്ട് ഇവര് റിലേ സമരം തുടങ്ങുന്നത്. അതേസമയം അടിയന്തര സാഹചര്യം നേരിടുന്നതില് ഫിഷറീസ് വകുപ്പ് പരാജയമെന്നാരോപിച്ച് മത്സ്യപ്രവര്ത്തക സംഘം നാളെ കോഴിക്കോട്ട് ഫിഷറീസ് ഓഫീസിന് മുന്നില് പ്രതിഷേധം സംഘടിപ്പിക്കും.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
