രാവിലെ 9 മണിക്ക് കന്റോണ്മെൻറ് ഹൗസിലാണ് യോഗം. ബ്രൂവറി വിഷയത്തിലും ശബരിമല സ്ത്രീ പ്രവേശന വിഷയത്തിലും സ്വീകരിക്കേണ്ട തുടർനടപടികൾ യോഗം ചര്ച്ച ചെയ്യും
തിരുവനന്തപുരം: യുഡിഎഫിന്റെ അടിയന്തര യോഗം ഇന്ന് ചേരും. രാവിലെ 9 മണിക്ക് കന്റോണ്മെൻറ് ഹൗസിലാണ് യോഗം. ബ്രൂവറി വിഷയത്തിലും ശബരിമല സ്ത്രീ പ്രവേശന വിഷയത്തിലും സ്വീകരിക്കേണ്ട തുടർനടപടികൾ യോഗം ചര്ച്ച ചെയ്യും. ശബരിമല സ്ത്രീ പ്രവേശന വിഷയത്തില് ശക്തമായ പ്രതിഷേധ പരിപാടികളാണ് കോണ്ഗ്രസും ബിജെപിയും തുടരുന്നത്.
ശബരിമല വിഷയത്തിൽ സുപ്രീംകോടതി വിധിയെ മാനിക്കുന്നുവെന്നാണ് കോൺഗ്രസ് ദേശീയ നേതൃത്വത്തിന്റെ നിലപാട്. എന്നാൽ കേരളത്തിലെ ആചാര അനുഷ്ഠാനങ്ങൾക്ക് നേരെ കണ്ണടയ്ക്കില്ലെന്നും സംസ്ഥാന കോൺഗ്രസ് നേതൃത്വത്തിന് പ്രാദേശിക ജനവികാരം ഉൾക്കൊണ്ടു കൊണ്ടുള്ള നിലപാട് സ്വീകരിക്കാമെന്നും ആനന്ദ് ശർമ വ്യക്തമാക്കിയിരുന്നു. ശബരിമലയിലെ സ്ത്രീ പ്രവേശന വിഷയത്തിൽ പാർട്ടിയുടെ ദേശീയ-സംസ്ഥാന നേതൃത്വങ്ങൾ തമ്മിൽ അഭിപ്രായ ഭിന്നതയില്ലെന്നും അദ്ദേഹം വ്യക്തമാക്കി.
അതേസമയം ബ്രൂവറി വിൽയത്തില് അന്വേഷണം വേണമെന്ന ആവശ്യപ്പെട്ട് പ്രതിഷേധം നടത്തുകയാണ് കോണ്ഗ്രസ്. വിഷയത്തില് സിപിഎമ്മിന്റെ പങ്കും അന്വേഷിക്കണമെന്ന് കഴിഞ്ഞ ദിവസം കോണ്ഗ്രസ് നേതാവ് ബെന്നി ബെഹനാന് ആവശ്യപ്പെട്ടിരുന്നു. എക്സൈസ് മന്ത്രി രാജിവയ്ക്കണമെന്ന ആവശ്യവും കോണ്ഗ്രസില്നിന്ന് ഉയരുന്നുണ്ട്.
