ടിഎന് സീമയുടെ തോല്വി പരിശോധിക്കാന് സിപിഎമ്മിന്റെ മൂന്നംഗസമിതി
മുന് എംഎല്എ കോലിയക്കോട് കൃഷ്ണന് നായരുടെ നേതൃത്വത്തിലുള്ള സമിതിയില് മുന് തിരുവനന്തപുരം മേയര് സി ജയന്ബാബു, ബി പി മുരളി എന്നിവരാണ് അംഗങ്ങള്. യുഡിഎഫ് സ്ഥാനാര്ത്ഥിയായി കെ മുരളീധരനും ബിജെപി സംസ്ഥാന പ്രസിഡന്റ് കുമ്മനം രാജശേഖരനും മത്സരിച്ച വട്ടിയൂര്ക്കാവില് മൂന്നാം സ്ഥാനമാണ് സിപിഎമ്മിന് ലഭിച്ചത്. ഇടതുമുന്നണിക്ക് മേഝാവിത്വമുണ്ടായിരുന്ന പല ബൂത്തുകളിലും പ്രതീക്ഷിച്ചിത്ര വോട്ടുകള് ലഭിച്ചില്ല. ഈ സാഹചര്യത്തില് സ്ഥാനാര്ത്ഥിയായിരുന്ന ടിഎന് സീമ തന്നെയാണ് ഇക്കാര്യത്തില് അന്വേഷണം ആവശ്യപ്പെട്ടത്. ത്രികോണമത്സരം നടന്ന മണ്ഡലത്തില് പാര്ട്ടി മൂന്നാം സ്ഥാനത്തേക്ക് പോയത് ഞെട്ടിച്ചുവെന്നാണ് യോഗത്തിന്റെയും പൊതുവിലയിരുത്തല്.