കടിയേറ്റതിനെ തുടർന്ന് സഹപ്രവർത്തകർ ഉടൻ തന്നെ മോൻസിയെ ഇടുക്കി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഐസിയുവിൽ ചികിത്സയിൽ കഴിയുകയാണിദ്ദേഹം.
ഇടുക്കി: ഇടുക്കി പാണ്ടിപ്പാറയിൽ പണിക്കിടെ തൊഴിലാളിക്ക് പാമ്പുകടിയേറ്റു. ചെറുതോണി പെരുങ്കാല സ്വദേശി വെള്ളാക്കാട്ട് മോൻസി (48) ക്കാണ് കടിയേറ്റത്. പാണ്ടിപ്പാറയിലെ ഒരു വീടിന്റെ പിൻവശത്ത് കൽക്കെട്ട് നിർമാണ ജോലികൾ നടക്കുന്നതിനിടെയാണ് സംഭവം. ജോലി സ്ഥലത്ത് അഞ്ചുപേർ ഉണ്ടായിരുന്നു. പാമ്പിനെ കണ്ട് അടുത്ത് നിന്നിരുന്ന മറ്റൊരു തൊഴിലാളിയെ സുരക്ഷിത സ്ഥാനത്തേക്ക് മാറ്റുന്നതിനിടെയാണ് മോൻസിക്ക് കടിയേൽക്കുന്നത്. മുൻപ് 5 തവണ മോൻസിക്ക് പാമ്പുകടിയേറ്റുട്ടുണ്ട്. കടിയേറ്റതിനെ തുടർന്ന് സഹപ്രവർത്തകർ ഉടൻ തന്നെ മോൻസിയെ ഇടുക്കി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഐസിയുവിൽ ചികിത്സയിൽ കഴിയുകയാണിദ്ദേഹം.
