ജിഷ്ണു കേസിൽ നാലാം പ്രതിയായ പ്രവീണും പിടിയിലായെന്ന് സൂചന. കേസിലെ മൂന്നാം പ്രതിയായ നെഹ്റു കോളേജ് വൈസ് പ്രിൻസിപ്പൽ ശക്തിവേല് നേരത്തെ അറസ്റ്റിലായിരുന്നു. കോയമ്പത്തൂരിലെ അന്നൂരിൽ നിന്നാണ് ഇയാള് അറസ്റ്റിലായത് . ശക്തിവേലിനെ വൈകീട്ടോടെ തൃശൂരിലെത്തിക്കും .
അതേസമയം ജിഷ്ണുവിന്റെ കുടുംബത്തിന്റെ സമരം തീർക്കാനുള്ള ശ്രമം പുരോഗമിക്കുകയാണ്. സ്പെഷ്യൽ പ്രോസിക്യൂട്ടർ സി പി ഉദയഭാനു കുടുംബത്തെ കാണും. ഒത്തുതീർപ്പിനായി സാധ്യമായതെല്ലാം ചെയ്യുമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു. ജിഷ്ണുവിന്റെ കുടുംബം 5:30ന് മാധ്യമങ്ങളെ കാണും.
