ഇന്നലെ രാവിലെ കാക്കനാട്ടെ സ്വകാര്യ സ്ഥാപനത്തിൽ ജോലിക്ക് പോകുമ്പോഴായിരുന്നു അപകടം.
കൊച്ചി: എറണാകുളം തൃക്കാക്കര ഭാരത് മാത കോളേജിനു സമീപം വാഹനാപകടത്തിൽ യുവാവ് മരിച്ചു. കളമശ്ശേരി കല്ലുകുളം വീട്ടിൽ അൻസാർ ആണ് മരിച്ചത്. ഇന്നലെ രാവിലെ കാക്കനാട്ടെ സ്വകാര്യ സ്ഥാപനത്തിൽ ജോലിക്ക് പോകുമ്പോഴായിരുന്നു അപകടം. മറ്റൊരു വാഹനത്തിൽ തട്ടി ബൈക്ക്, കെഎസ്ആർടിസി ബസിന് അടിയിൽപെടുകയായിരുന്നു. സ്വകാര്യ ബസ് സ്റ്റോപ്പിൽ നിർത്തിയപ്പോഴാണ് സംഭവം. ഉടൻ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ഇന്ന് പുലർച്ചയോടെ മരിച്ചു.
