സോണിയയെയും രാഹുലിനെയും അറിയില്ലെന്ന് ക്രിസ്റ്റ്യന് മിഷേല്
ഇടപാടില് തന്റെ നിരപരാധിത്വം തെളിയിക്കുന്നതിനായി ഗാന്ധി കുടുംബം ഇടപാടില് കോഴ വാങ്ങിയിട്ടില്ലെന്ന് തെളിയേണ്ടതുണ്ടെന്നും ക്രിസ്റ്റന് മിഷേല് ഒരു അഭിമുഖത്തില് വ്യക്തമാക്കി. അതേസമയം പ്രധാനമന്ത്രിയും ഇറ്റാലിയന് പ്രധാനമന്ത്രിയും കഴിഞ്ഞ വര്ഷം ന്യൂയോര്ക്കില് കൂടിക്കാഴ്ച നടത്തിയെന്നും അഗസ്റ്റ വെസ്റ്റ്|ലാന്റ് കേസ് സംബന്ധിച്ച വിവരങ്ങള് നല്കിയാല് കടല്ക്കൊലക്കേസിലെ പ്രതികളായ നാവികരെ വിട്ടയക്കാമെന്ന ധാരണയുണ്ടാക്കിയെന്നുമുള്ള മുന് നിലപാടില് ഉറച്ചുനില്ക്കുന്നതായും മൈക്കിള് പറഞ്ഞു. മൈക്കിള് ഇന്ത്യയിലെ അന്വേഷണവുമായി സഹകരിക്കണമെന്ന് സിബിഐ ആവശ്യപ്പെട്ടു. മൈക്കിളിനെ ചോദ്യം ചെയ്യുന്നതിനായി അബുദാബിയിലേക്ക് പോകുന്ന കാര്യം പരിഗണിക്കുന്നതായി എന്ഫോഴ്സ്മെന്റ് ഡയറക്ടറേറ്റും വ്യക്തമാക്കി. ഇതിനിടെ ഛത്തീസ്ഗഡ് സര്ക്കാര് അഗസ്റ്റ വെസ്റ്റ്|ലാന്റിന്റെ ഹെലികോപ്റ്റര് വാങ്ങിയതില് അഴിമതിയുണ്ടെന്നും ഇടപാടില് മുഖ്യമന്ത്രി രമണ് സിംഗിന്റെ മകനുള്ള പങ്ക് അന്വേഷിക്കണമെന്നും അഭിഭാഷകന് പ്രശാന്ത് ഭൂഷണ് ആവശ്യപ്പെട്ടു.