തലശ്ശേരിയില്‍ ദളിത് യുവതികളെ അറസ്റ്റ് ചെയ്ത സംഭവത്തില്‍ ചീഫ് സെക്രട്ടറിയ്‌ക്കും ഡിജിപി ലോക്നാഥ് ബെഹറയ്‌ക്കും ദേശീയ മനുഷ്യാവകാശ കമ്മീഷന്‍ നോട്ടീസ് അയച്ചു. യുവതികളെ അറസ്റ്റ് ചെയ്യാനുണ്ടായ സാഹചര്യം വിശദീകരിക്കണമെന്നാണ് നോട്ടീസിലെ ആവശ്യം. നടപടികള്‍ വിശദീകരിക്കുന്ന റിപ്പോര്‍ട്ട് നാലാഴ്ച്ചക്കുള്ളില്‍ നല്‍കാനും നിര്‍ദ്ദേശിച്ചിട്ടുണ്ട്. തലശ്ശേരി കുട്ടിമാക്കൂലിലെ സിപിഐ എം ഓഫീസില്‍ കയറി പ്രവര്‍ത്തകരെ മര്‍ദ്ദിച്ച കേസിലാണ് യുവതികളെ ജാമ്യമില്ലാ വകുപ്പ് ചേര്‍ത്ത് ജയിലിലടച്ചത്.