Asianet News MalayalamAsianet News Malayalam

'ശബരിമലയില്‍ മനുഷ്യാവകാശ ലംഘനം'; കടന്നുകയറ്റത്തില്‍ സര്‍ക്കാര്‍ മാപ്പ് പറയണമെന്ന് പിഎസ് ശ്രീധരന്‍പിള്ള

ശബരിമലയിലേത് ദുരന്തപൂര്‍ണമായ അന്തരീക്ഷം. വിശ്വാസികളുടെ മനുഷ്യാവകാശം ലംഘിക്കപ്പെട്ടു. കേന്ദ്ര മനുഷ്യാവകാശ കമ്മീഷന് ബിജെപി പരാതി നൽകിയിട്ടുണ്ട്. ശബരിമലയിൽ കടന്നുകയറിയ സംസ്ഥാനസർക്കാർ മാപ്പ് പറയണമെന്നും ശ്രീധരന്‍പിള്ള.

P S Sreedharan Pillai press meet on Sabarimala bjp Protest
Author
Pathanamthitta, First Published Nov 6, 2018, 3:06 PM IST

പത്തനംതിട്ട: ശബരിമലയില്‍ മനുഷ്യാവകാശ ലംഘനമെന്ന് പിഎസ് ശ്രീധരന്‍പിള്ള. ശബരിമലയിലേത് ദുരന്ത പൂര്‍ണമായ അന്തരീക്ഷമാണെന്നും വിശ്വാസികളുടെ മനുഷ്യാവകാശം ലംഘിക്കപ്പെട്ടുവെന്നും പിഎസ് ശ്രീധരന്‍പിള്ള മാധ്യമങ്ങളോട് പറഞ്ഞു. കേന്ദ്ര മനുഷ്യാവകാശ കമ്മീഷന് ബിജെപി പരാതി നൽകിയിട്ടുണ്ട്. ശബരിമലയിലെ കടന്നുകയറ്റത്തില്‍ സംസ്ഥാന സര്‍ക്കാര്‍ മാപ്പ് പറയണമെന്നും ശ്രീധരന്‍പിള്ള ആവശ്യപ്പെട്ടു. 

ശബരിമലയില്‍ ഇന്ന് നടന്നത് എന്താണെന്ന് വ്യക്തമായിട്ടില്ലെന്നും  ശ്രീധരന്‍പിള്ള പറഞ്ഞു. മാധ്യമ പ്രവര്‍ത്തകരെ ആക്രമിച്ചിട്ടുണ്ടെങ്കില്‍ അത് തെറ്റാണ്. എന്നാല്‍, മാധ്യമങ്ങളില്‍ വന്ന ദൃശ്യങ്ങളെ വിശ്വാസമില്ലെന്നും  ശ്രീധരന്‍പിള്ള വാര്‍ത്താ സമ്മേളനത്തില്‍ പറഞ്ഞു. കുറ്റക്കാര്‍ക്കെതിരെ നടപടിയെടുക്കണമെന്ന് ശ്രീധരന്‍പിള്ള ആവശ്യപ്പെട്ടു. വത്സന്‍ തില്ലങ്കേരി പതിനെട്ടാം പടിയില്‍ കയറി പൊലീസ് മൈക്ക് ഉപയോഗിച്ചതിനെ കുറിച്ച് തനിക്ക് അറിയില്ല.  വത്സന്‍ തില്ലങ്കേരി ബിജെപിയുടെ ഭാഗമല്ല. അതില്‍ വിശദീകരണം ആവശ്യമെങ്കില്‍ അദ്ദേഹത്തോട് തന്നെ ചോദിക്കണമെന്നും ശ്രീധരന്‍പിള്ള പറഞ്ഞു.

 

 

 

Follow Us:
Download App:
  • android
  • ios