ബംഗളൂരു: സഞ്ജയ് ലീല ബന്സാലിയുടെ വിവാദ ബോളിവുഡ് ചിത്രം ‘പത്മാവത്’ പ്രദർശിപ്പിച്ച തിയറ്ററിനുനേരെ പെട്രോൾ ബോംബ് ആക്രമണം.
കര്ണാടകയിലെ ബലഗാവിയിലെ പ്രകാശ് തിയറ്ററിനു നേരെയാണ് അജ്ഞാതർ പെട്രോൾ ബോംബ് എറിഞ്ഞത്. വ്യാഴാഴ്ച രാത്രി സെക്കൻഡ് ഷോ കഴിഞ്ഞ് ആളുകൾ പുറത്തിറങ്ങുന്നതിനിടെ ആയിരുന്നു ആക്രമണം. സംഭവത്തില് നിരവധി പേര്ക്ക് പരിക്കേറ്റു. പരിഭ്രാന്തരായി ഓടിയവര്ക്കാണ് പരിക്കേറ്റത്. അക്രമികൾക്കായി പോലീസ് അന്വേഷണം ഊർജിതമാക്കി.
