കന്യാസ്ത്രീയുടെ ബലാൽസംഗ പരാതിയില് ബിഷപ് ഫ്രാങ്കോ മുളക്കലിനെ ചോദ്യം ചെയ്യാന് ആരംഭിച്ചു. തൃപ്പൂണിത്തുറ ക്രൈംബ്രാഞ്ച് ഓഫീസിലാണ് ചോദ്യംചെയ്യല്. നേരത്തെ അറിയിച്ചത് പ്രകാരം കൃത്യം 11 മണിയോടെ ബിഷപ്പ് ചോദ്യം ചെയ്യലിനായി ഹാജരായി. മാധ്യമങ്ങള്ക്കും കൂടി നിന്ന ജനങ്ങള്ക്കും മുഖം കൊടുക്കാതെയാണ് ബിഷപ്പ് എത്തിയത്.
കൊച്ചി: കന്യാസ്ത്രീയുടെ ബലാൽസംഗ പരാതിയില് ബിഷപ് ഫ്രാങ്കോ മുളക്കലിനെ ചോദ്യം ചെയ്യാന് ആരംഭിച്ചു. തൃപ്പൂണിത്തുറ ക്രൈംബ്രാഞ്ച് ഓഫീസിലാണ് ചോദ്യംചെയ്യല്. നേരത്തെ അറിയിച്ചത് പ്രകാരം കൃത്യം 11 മണിയോടെ ബിഷപ്പ് ചോദ്യം ചെയ്യലിനായി ഹാജരായി. മാധ്യമങ്ങള്ക്കും കൂടി നിന്ന ജനങ്ങള്ക്കും മുഖം കൊടുക്കാതെയാണ് ബിഷപ്പ് എത്തിയത്.
ബിഷപ്പിന്റെ മുഖം മാധ്യമങ്ങൾക്ക് ലഭിക്കാതിരിക്കാൻ പോലീസും സംവിധാനങ്ങള് ഒരുക്കിയിരുന്നു. പൂർണമായും മറച്ച കാറിൽ പ്രധാന റോഡ് ഒഴിവാക്കി പൊലീസ് അകന്പടിയോടെയായിരുന്നു ബിഷപ്പ് എത്തിയത്. ബിഷപ്പിന്റെ സുരക്ഷയ്ക്കായി 250 പൊലീസുകാരെയും നഗരത്തില് വിന്യസിച്ചിരുന്നു.
അന്വേഷണ ഉദ്യോഗസ്ഥന് വൈക്കം ഡിവൈഎസ്പി കെ സുഭാഷിന്റെ നേതൃത്വത്തിലുള്ള പൊലീസ് സംഘമാണ് ചോദ്യം ചെയ്യലിന്റെ ആദ്യ ഘട്ടമായി ബിഷപ്പിന്റെ മൊഴിയെടുക്കുന്നത്. ആദ്യം ബിഷപ്പിന് പറയാനുള്ളത് കേള്ക്കും. മൊഴിയിലെ വൈരുദ്ധ്യങ്ങള് ഇല്ലാതാക്കാന് പൊലീസ് നേരത്തെ തയ്യാറാക്കിയ ചോദ്യങ്ങള് രണ്ടാം ഘട്ടത്തില് ചോദിക്കും. ഈ സമയം ബിഷപ്പിന്റെ മുഖഭാവമടക്കമുള്ളവ കാമറയില് പകര്ത്തും. ചോദ്യം ചെയ്യല് മുതിര്ന്ന ഉദ്യോഗസ്ഥര്ക്ക് തത്സമയം കാണാനുള്ള സംവിധാനവും ഒരുക്കിയിട്ടുണ്ട്.
ഐജിയടക്കമുള്ള ഉദ്യോഗസ്ഥര് രണ്ടാം ഘട്ടത്തിന് ശേഷമായിരിക്കും ചോദ്യം ചെയ്യലിനായി എത്തുക. തുടര്ന്നും മൊഴിയില് വൈരുദ്ധ്യങ്ങളുണ്ടെങ്കില് മൂന്നാം ഘട്ടത്തില് രണ്ടാം ഘട്ടത്തിലെ മൊഴിയുടെ അടിസ്ഥാനത്തില് ചോദ്യം ചെയ്യല് തുടരും. നേരത്തെ കൊച്ചി റേഞ്ച് ഐജി വിജയ് സാഖറേയെയുമായി അന്വേഷണ സംഘവും കോട്ടയം എസ് പിയും ഓഫീസിലെത്തി കൂടിക്കാഴ്ച നടത്തിയിരുന്നു. കൂടിക്കാഴ്ചയിലാണ് ചോദ്യം ചെയ്യലിന്റെ അന്തിമരൂപം തയ്യാറാക്കിയത്.
അത്യാധുനിക രീതിയിലുള്ള സൗകര്യങ്ങളുള്ള മുറിയലാണ് ചോദ്യം ചെയ്യല് നടക്കുന്നത്. മുറിയിൽ അഞ്ച് ക്യാമറകൾ സജ്ജമാക്കിയിട്ടുണ്ട്. ബിഷപ്പിന്റെ മൊഴി എടുക്കുന്നത് പൂർണമായും ചിത്രീകരിക്കാനും മുഖഭാവങ്ങളടക്കമുള്ളവ പരിശോധിക്കാനുമാണ് ക്യാമറ സ്ഥാപിച്ചിരിക്കുന്നത്. മൂന്ന് ഘട്ടങ്ങളായി നടക്കുന്ന ചോദ്യം ചെയ്യല് പൂര്ണമായും ചിത്രീകരിക്കും. ചോദ്യം ചെയ്യല് തത്സമയം മേലുദ്യോസ്ഥര്ക്ക് കാണാനുള്ള സൗകര്യവും ഒരുക്കിയിട്ടുണ്ട്.
