ആറുവയസുകാരനെ സ്കൂൾ ജീവനക്കാരൻ പ്രകൃതിവിരുദ്ധ പീഡനത്തിനിരയാക്കി
- ശ്രീനിവാസ് എന്ന ജീവനക്കാരൻ അറസ്റ്റില്
ബംഗളുരു: ബംഗളുരുവിലെ സ്വകാര്യ സ്കൂളിലെ ജീവനക്കാരന് ആറു വയസുകാരനെ ലൈംഗികമായി പീഡിപ്പിച്ചു. സംഭവത്തില് സ്കൂൾ ജീവനക്കാരനെ പൊലീസ് അറസ്റ്റ് ചെയ്തു. ബുധനാഴ്ച കുട്ടി ശുചിമുറിയിൽ പോയപ്പോൾ ശ്രീനിവാസ് എന്ന ജീവനക്കാരൻ കുട്ടിയെ പീഡിപ്പിക്കുകയായിരുന്നു.
കുട്ടി ഇതു സംബന്ധിച്ച് മാതാപിതാക്കളോടു പറഞ്ഞതിനെ തുടർന്ന്, മാതാപിതാക്കൾ സ്കൂൾ അധികൃതരോടു വിവരം അറിയിച്ചു. സ്കൂൾ അധികൃതർ വിവരം കൈമാറിയതനുസരിച്ച് പൊലീസ് കേസ് രജിസ്റ്റർ ചെയ്യുകയും ശ്രീനിവാസിനെ അറസ്റ്റ് ചെയ്യുകയും ചെയ്തു. ഇയാളെ സ്കൂളിലെ ജോലിയിൽനിന്നു നീക്കിയതായി സ്കൂൾ അധികൃതർ വ്യക്തമാക്കി.