വയനാട്: പുല്പ്പള്ളി പോലീസ് സ്റ്റേഷന് പരിധിയില് കഞ്ചാവുമായി യുവാവ് പിടിയില്. സുല്ത്താന് ബത്തേരി കുപ്പാടി കൊടിയംതോട്ടില് മൊയ്തു (42) വിനെയാണ് പുല്പ്പള്ളി അഡീഷനല് എസ്.ഐ. ടി.പി. മാത്യുവും സംഘവും അറസ്റ്റു ചെയ്ത്. 200 ഗ്രാം കഞ്ചാവും ഇയാളില് നിന്ന് പിടിച്ചെടുത്തു. ഉച്ചക്ക് 12 മണിയോടെ പുല്പ്പള്ളി ബസ് സ്റ്റാന്ഡില് ഇടപാടുകാരെ കാത്തുനില്ക്കുന്നതിനിടയിലാണ് പിടിയിലായത്.
കര്ണാടകയിലെ ബൈരകുപ്പയില് നിന്ന് കഞ്ചാവ് എത്തിച്ച് ബസ് സ്റ്റാന്ഡും മറ്റും കേന്ദ്രീകരിച്ച് വില്പ്പന നടത്തുകയായിരുന്നു ഇയാളുടെ രീതിയെന്ന് പോലീസ് പറഞ്ഞു. ജൂനിയര് എസ്.ഐ. പ്രശാന്ത്, എ.എസ്.ഐ പ്രകാശന്, എസ്.സി.പി.ഒ സജി, സുമേഷ് എന്നിവര് ചേര്ന്നാണ് പ്രതിയെ അറസ്റ്റ് ചെയ്തത്.
