തോമസ് ഐസക്കിന്റെ ഫേസ്ബുക്ക് കുറിപ്പുകള് പുസ്തകമാവുന്നു
തിരുവനന്തപുരം: സിപിഎം നേതാവും മുന് ധനമന്ത്രിയുമായ തോമസ് ഐസക്കിന്റെ ഫേസ്ബുക്ക് കുറിപ്പുകള് പുസ്തകമാവുന്നു.
ഓണ്ലൈനില് ഏറെ ശ്രദ്ധേയമായ കുറിപ്പുകള് ഡിസി ബുക്സാണ് 'ഫേസ്ബുക്ക് ഡയറി' എന്ന പേരില് പ്രസിദ്ധീകരിക്കുന്നത്. ഏപ്രില് 23 വൈകിട്ട് 6 ന് മണ്ണഞ്ചേരിയില് നടക്കുന്ന ചടങ്ങില് പ്രൊഫ. എം കെ സാനുവിന് പുസ്തകം നല്കി മമ്മൂട്ടി പ്രകാശനം നടത്തും. എം കെ സാനു മുഖ്യ പ്രഭാഷണവും നടത്തും.
തോമസ് ഐസക്ക് ഫേസ്ബുക്കില് കുറിച്ച കുറിപ്പുകളുടെ സമാഹാരമാണ് ഈ പുസ്തകം.
പുസ്തക വില്പനയില് നിന്നു ലഭിക്കുന്ന റോയല്റ്റി ആലപ്പുഴ പാതിരപള്ളി സിജി ഫ്രാന്സിസ് പാലിയേറ്റീവ് കെയര് സൊസൈറ്റിയായ സ്നേഹജാലകത്തിന് സംഭാവന നല്കും. പത്തുഭാഗങ്ങളായാണ് കുറിപ്പുകള് സമാഹരിച്ചിരിക്കുന്നത്.