കൊല്ക്കത്ത: പശ്ചിമ ബംഗാളിലെ സബാങ് നിയമസഭാ മണ്ഡലത്തില് നടന്ന ഉപതെരഞ്ഞെടുപ്പില് തൃണമൂല് കോണ്ഗ്രസിന് വിജയം. കോണ്ഗ്രസിന്റെ മണ്ഡലമായിരുന്ന സബാങ് മികച്ച ഭൂരിപക്ഷത്തോടെയാണ് തൃണമൂല് പിടിച്ചെടുത്തത്.
Add Asianetnews as a Preferred Source
64192 വോട്ടുകളുടെ ഭൂരിപക്ഷത്തില് ടിഎംസിയുടെ ഗീതാ റാണി ഭുനിയ ആണ് വിജയിച്ചത്. സിപിഎം സ്ഥാനാര്ത്ഥി റിത മണ്ഡലല് രണ്ടാം സ്ഥാനത്തെത്തി. ബിജെപി സ്ഥാനാര്ത്ഥി അന്തര ബട്ടാചാര്യ മൂന്നാം സ്ഥാനത്തേക്കും കോണ്ഗ്രസ് നാലാം സ്ഥാനത്തേക്കും പിന്തളളപ്പെട്ടു.
കോണ്ഗ്രസ് എംഎല്എ മനസ് ഭുനിയ രാജി വച്ചതിനെ തുടര്ന്നാണ് മണ്ഡലത്തില് ഉപതെരഞ്ഞെടുപ്പ് നടന്നത്. ഭുനിയ എംഎല്എ സ്ഥാനം രാജി വച്ച് തൃണമൂല് കോണ്ഗ്രസില് ചേരുകയായിരുന്നു. ഭുനിയയുടെ ഭാര്യയാണ് ഗീതാ റാണി.
