വിഴിഞ്ഞം കരാർ കാലാവധി നീട്ടി നൽകുന്ന കാര്യം ഇപ്പോൾ ആലോചിക്കുന്നില്ലെന്ന് മുഖ്യമന്ത്രി അടുത്ത വർഷം ഡിസംബറിൽ പദ്ധതി തീരില്ലെന്ന് അദാനി ഗ്രൂപ്പ്
തിരുവനന്തപുരം: വിഴിഞ്ഞം തുറമുഖ പദ്ധതി പൂർത്തിയാക്കുന്നതിന് സമയം നീട്ടി നൽകണമെന്ന ആവശ്യം മുഖ്യമന്ത്രി തള്ളി. കൂടുതൽ സമയം വേണമെന്ന് ആവാശ്യപ്പെട്ട് അദാനി പോർട്സ് സിഇഒ കരൺ അദാനി നേരിട്ടെത്തി മുഖ്യമന്ത്രിയെ കണ്ടു. ഓഖി നഷ്ടമുണ്ടാക്കിയതിനാൽ സമയത്ത് നിർമ്മാണം പൂർത്തിയാക്കാനാകില്ലെന്നും അദാനി ഗ്രൂപ്പ് സിഇഒ രാജേഷ് ഝാ പിന്നീട് മാധ്യമങ്ങളോട് പറഞ്ഞു.
നിയമസഭ മന്ദിരത്തിലെത്തിയാണ് മുഖ്യമന്ത്രിയുമായി കരൺ അദാനി കൂടിക്കാഴ്ച നടത്തിയത്. പദ്ധതി പൂർത്തിയാക്കാൻ അദാനി ഗ്രൂപ്പ് സർക്കാറിനോട് കൂടുതൽ സമയം ചോദിച്ചിരുന്നു. ഓഖി ദുരന്തം കാരണം ഉപകരണങ്ങൾക്കുണ്ടായ നഷ്ടം തിരിച്ചടിയായെന്ന് കമ്പനി ചൂണ്ടിക്കാണിച്ചു.
