ചൈന ഓപ്പണ്‍: സായ് പ്രണീത് പുറത്ത്
ആദ്യ ഗെയിം നേടി പ്രതീക്ഷ നല്‍കിയ പ്രണീതിന് അടുത്ത രണ്ട് ഗെയിമുകളിലും ആ മികവ് നിലനിര്‍ത്താനായില്ല.
ഷാംഗ്ഹായ്: ചൈന ഓപ്പണ്‍ ബാഡ്മിന്റണ്‍ ടൂര്‍ണമെന്റില്‍ ഇന്ത്യക്ക് വീണ്ടും തിരിച്ചടി. പുരുഷ സിംഗിള്‍സ് ക്വാര്‍ട്ടറില്‍ ഇന്‍ഡോനേഷ്യയുടെ ആന്തണി ജിന്‍റിംഗിനോട് തോറ്റ് പ്രണീത് പുറത്തായി. ഒന്നിനെതിരെ രണ്ട് ഗെയിമകള്‍ക്കായിരുന്നു പ്രണീതിന്റെ തോല്‍വി. സ്കോര്‍ 21-16, 6-21, 16-21.
ആദ്യ ഗെയിം നേടി പ്രതീക്ഷ നല്‍കിയ പ്രണീതിന് അടുത്ത രണ്ട് ഗെയിമുകളിലും ആ മികവ് നിലനിര്‍ത്താനായില്ല. ഇന്ത്യയുടെ പി കശ്യപിനെ വീഴ്ത്തിയാണ് ആന്തണി ക്വാര്‍ട്ടറിലെത്തിയത്.
ഇന്നലെ ലോക ചാമ്പ്യന്‍ ഇന്ത്യയുടെ പി വി സിന്ധുവും വനിതാ സിംഗിള്‍സ് രണ്ടാം റൗണ്ടില്‍ തോറ്റ് പുറത്തായിരുന്നു. ഇന്ത്യയുടെ മറ്റൊരു പ്രതീക്ഷയായിരുന്ന സൈന നെഹ്‌വാളും ആദ്യ റൗണ്ടുകളില്‍ തന്നെ പുറത്തായി.
Last Updated Sep 20, 2019, 1:41 PM IST
