Asianet News Malayalam

വിംബിൾഡൺ: ഫെഡറർ-ജോക്കോ സ്വപ്ന ഫൈനലില്ല; ഫെഡറർ ക്വാർട്ടറിൽ പുറത്ത്

ആദ്യ സെറ്റ് 6-3ന് നഷ്ടമായ ഫെഡറർ രണ്ടാം സെറ്റ് ടൈ ബ്രേക്കറിലെത്തിച്ചെങ്കിലും നിർണായക പോയന്റുകൾ അനാവശ്യ പിഴവിലൂടെ നഷ്ടമാക്കി സെറ്റ് കൈവിട്ടു.

Wimbledon Roger Federer Knocked out in Quarterfinals
Author
London, First Published Jul 7, 2021, 10:47 PM IST
  • Facebook
  • Twitter
  • Whatsapp

ലണ്ടൻ: ഒമ്പതാം കിരീടം തേടി വിംബിൾ‌ഡണിലെ സെന്റർ കോർട്ടിൽ ക്വാർട്ടർ പോരാട്ടത്തിനിറങ്ങിയ സ്വിസ് ഇതിഹാസം റോജർ ഫെഡററെ നേരിട്ടുള്ള സെറ്റുകളിൽ വീഴ്ത്തി പോളണ്ടിന്റെ ഹ്യൂബർട്ട് ഹർക്കാസ് വിംബിൾഡൺ ടെന്നീസ് പുരുഷ വിഭാ​ഗം സിം​ഗിൾസ് സെമിയിയിലെത്തി.സ്കോർ 6-3, 7-6, 6-0. ഹർ‌ക്കാസിന്റെ ആദ്യ വിംബിൾഡൺ സെമി പ്രവേശനമാണിത്.

ആദ്യ സെറ്റ് 6-3ന് നഷ്ടമായ ഫെഡറർ രണ്ടാം സെറ്റ് ടൈ ബ്രേക്കറിലെത്തിച്ചെങ്കിലും നിർണായക പോയന്റുകൾ അനാവശ്യ പിഴവിലൂടെ നഷ്ടമാക്കി (7-6)സെറ്റ് കൈവിട്ടു. നിർണായക മൂന്നാം സെറ്റിൽ തുടക്കം മുതൽ ഫെഡററുടെ സെർവുകൾ ബ്രേക്ക് ചെയ് മുന്നേറിയ ഹർക്കാസ് ഒരു തവണ മാത്രമാണ് സ്വന്തം സെർവിൽ ബ്രേക്ക് പോയന്റ് നൽകിയത്. എന്നാൽ‌ അത് മുതലാക്കാൻ കഴിയാതിരുന്ന ഫെഡറർ തുടർച്ചയായി ആറ് ​ഗെയിമുകൾ നഷ്ടമാക്കി 6-0ന് സെറ്റും മത്സരവും കൈവിട്ടു.

പതിവു ഫോമിലുള്ള ഫെഡററുടെ അഴകുള്ള കളിയായിരുന്നില്ല സെന്റർ കോർട്ടിൽ ഹർക്കാസിനെതിരെ ആരാധകർ കണ്ടത്. അവസാന സെറ്റിലായപ്പോഴേക്കും പലപ്പോഴും അനായാസ പോയന്റുകൾ പോലും അവിശ്വസനീയമായി കൈവിട്ട് എങ്ങനെയെങ്കിലും മത്സരം അവസാനിപ്പിക്കാൻ തിടുക്കപ്പെടുന്ന ഫെഡററെയാണ് ആരാധകർ കണ്ടത്.

ഇരുപതാം ​ഗ്രാൻസ്ലാം കിരീടം ലക്ഷ്യമിടുന്ന ലോക ഒന്നാം നമ്പർ താരം നൊവാക് ജോക്കോവിച്ച് നേരത്തെ സെമിയിലെത്തിയിരുന്നു.

 

Follow Us:
Download App:
  • android
  • ios