ദിനങ്ങൾ എണ്ണപ്പെട്ടു; തൃണമൂൽ കോൺഗ്രസ് പ്രവർത്തകരോട് കോൺഗ്രസിൽ ചേരാൻ നിർദ്ദേശിച്ച് ആധിർ രജ്ഞൻ ചൗധരി
പശ്ചിമബംഗാൾ തെരഞ്ഞെടുപ്പിന്റെ രണ്ട് ഘട്ടങ്ങൾ മാർച്ച് 27നും ഏപ്രിൽ 1 നും പൂർത്തിയായി. അടുത്ത ഘട്ട വോട്ടെടുപ്പ് ഏപ്രിൽ ആറിനാണ് നടക്കുന്നത്.
കൊൽക്കത്ത: തൃണമൂൽ കോൺഗ്രസ് അനുഭാവികളോട് കോൺഗ്രസിലോ സംയുക്ത മോർച്ചയിലോ ചേരാൻ നിർദ്ദേശിച്ച് മുതിർന്ന കോൺഗ്രസ് നേതാവ് ആധിർ രജ്ഞൻ ചൗധരി. പശ്ചിമ ബംഗാളിൽ തൃണമൂൽ കോൺഗ്രസിന്റെ ദിനങ്ങൾ എണ്ണപ്പെട്ടുവെന്നും അദ്ദേഹം ചൂണ്ടിക്കാണിച്ചു. തൃണമൂൽ കോൺഗ്രസിന്റെയും തന്റെയും ദിവസങ്ങൾ അവസാനത്തിലെത്തിയെന്ന് മമത ബാനർജിക്ക് അറിയാം. സോണിയ ഗാന്ധിയെ വിളിച്ച് അവസാനിക്കുന്നതിന് മുമ്പ് രക്ഷിക്കണമെന്ന് അപേക്ഷിച്ചു. അതിനാൽ കോൺഗ്രസിലോ സംയുക്ത മോർച്ചയിലും ചേരാൻ ഞാൻ തൃണമൂൽ കോൺഗ്രസ് അനുഭാവികളോട് നിർദ്ദേശിക്കുന്നു. ആധിർ രജ്ഞൻ ചൗധരി പറഞ്ഞു. തൃണമൂൽ നേതാവിന് ധാർമ്മികത നഷ്ടപ്പെട്ടുവെന്നും അദ്ദേഹം കുറ്റപ്പെടുത്തി.
നന്ദിഗ്രാമിൽ തൃണമൂൽ കോൺഗ്രസിന് സ്ഥാനം നഷ്ടപ്പെടുകയാണെന്ന് മമത ബാനർജി മനസ്സിലാക്കിയിട്ടുണ്ട്. രണ്ട് മണിക്കൂർ നേരം അവർക്ക് ബൂത്തിനുള്ളിൽ ചെലവഴിക്കേണ്ടി വന്നു. അവിടെ നിന്ന് ഗവർണറെ വിളിച്ച് സംസാരിക്കുകയും സോണിയ ഗാന്ധിക്ക് കത്തയക്കുകയും ചെയ്തുവെന്നും ചൗധരി വ്യക്തമാക്കി. മൂന്നാം ഘട്ടത്തിന് മുന്നോടിയായി മെഗാ റാലികളും റോഡ്ഷോകളും ഉൾപ്പെടെ തൃണമൂൽ കോൺഗ്രസും ബിജെപിയും വൻപോരാട്ടമാണ് ബംഗാളിൽ നടത്തിക്കൊണ്ടിരിക്കുന്നത്. പശ്ചിമബംഗാൾ തെരഞ്ഞെടുപ്പിന്റെ രണ്ട് ഘട്ടങ്ങൾ മാർച്ച് 27നും ഏപ്രിൽ 1 നും പൂർത്തിയായി. അടുത്ത ഘട്ട വോട്ടെടുപ്പ് ഏപ്രിൽ ആറിനാണ് നടക്കുന്നത്.
