Asianet News Malayalam

പശ്ചിമബം​ഗാൾ തെരഞ്ഞെടുപ്പ്; വീൽചെയറിൽ പദയാത്രയ്ക്ക് നേതൃത്വം നൽകി മമത ബാനർജി

നിയമസഭ തെരഞ്ഞെടുപ്പിൽ നന്ദി​ഗ്രാമിൽ നിന്നാണ് മമത ബാനർജി ജനവിധി തേടുന്നത്.

mamta banerjee leads padayathra
Author
Kolkata, First Published Mar 29, 2021, 4:29 PM IST
  • Facebook
  • Twitter
  • Whatsapp

കൊൽക്കത്ത: ബം​ഗാളിൽ തെരഞ്ഞെടുപ്പ് പ്രചാരണത്തിനിടയിൽ വീൽചെയറിൽ റോഡ് ഷോയിൽ പങ്കെടുത്ത് മമത ബാനർജി. ഈ മാസം ആദ്യമാണ് മമത ബനാർജിക്ക് കാലിന് പരിക്കേറ്റത്. എട്ട് കിലോമീറ്റർ ദൈർഘ്യമുള്ള പദയാത്രയാണ് വീൽചെയറിലിരുന്നുകൊണ്ട് അവർ നയിച്ചത്. തൃണമൂൽ കോൺ​ഗ്രസ് സമൂഹമാധ്യമത്തിൽ പോസ്റ്റ് ചെയ്ത വീഡിയോയിൽ മമത ബാനർജി വീൽചെയറിൽ ഇരുന്നു കൊണ്ട് അണികളെ അഭിവാദ്യം ചെയ്യുന്നത് കാണാം. പാർട്ടി പ്രവർത്തകർ പതാകകൾ വഹിച്ചു കൊണ്ട് അവർക്കൊപ്പം സഞ്ചരിക്കുന്നുണ്ട്. 

നിയമസഭ തെരഞ്ഞെടുപ്പിൽ നന്ദി​ഗ്രാമിൽ നിന്നാണ് മമത ബാനർജി ജനവിധി തേടുന്നത്. എട്ടു ഘട്ടങ്ങളിലായിട്ടാണ് ബം​ഗാളിൽ തെരഞ്ഞെടുപ്പ് നടത്തുന്നത്. ഏറ്റവും ശ്രദ്ധേയമായ മത്സരം നടക്കുന്ന ബം​ഗാളിൽ മമതയ്ക്കെതിരെ മത്സരിക്കുന്നത് ബിജെപിയിലെ സുവേന്ദു അധികാരിയാണ്. തൃണമൂലിന്റെ മുതിര്‍ന്ന നേതാവും ഇപ്പോഴത്തെ മന്ത്രിസഭയിലെ പ്രമുഖ അംഗവുമായിരുന്ന സുവേന്ദു അധികാരി മാസങ്ങള്‍ക്കുമുമ്പാണ് മന്ത്രിസ്ഥാനവും എംഎല്‍എസ്ഥാനവും രാജിവച്ച് ബിജെപിയിലേക്ക് പോയത്.

Follow Us:
Download App:
  • android
  • ios