ബംഗാളിൽ നാളെ മൂന്നാം ഘട്ട വോട്ടെടുപ്പ്; 31 മണ്ഡലങ്ങളിൽ ഇന്ന് നിശബ്ദ പ്രചാരണം
തെരഞ്ഞെടുപ്പ് നടക്കുന്നത് കണക്കിലെടുത്ത് 89 കമ്പനിയെ നേരത്തെ തന്നെ സൗത്ത് 24 പർഗനാസിൽ നിയോഗിച്ചിരുന്നു. 2011 മുതൽ നടന്ന വിവിധ തെരഞ്ഞെടുപ്പുകളിൽ തൃണമൂൽ ശക്തികേന്ദ്രങ്ങളെന്ന് തെളിയിച്ച മണ്ഡലങ്ങളാണ് ഈ ഘട്ടത്തിൽ ജനവിധി നേടുന്നത്.
കൊൽക്കത്ത: മൂന്നാം ഘട്ട തെരഞ്ഞെടുപ്പ് നടക്കുന്ന ബംഗാളിലെ 31 മണ്ഡലങ്ങളിൽ ഇന്ന് നിശബ്ദ പ്രചാരണം. ഹൗറ, ഹൂഗ്ലി, സൗത്ത് 24 പർഗനാസ് എന്നീ 3 ജില്ലകളിലാണ് നാളെ തെരഞ്ഞെടുപ്പ് നടക്കുന്നത്. ആദ്യ രണ്ട് ഘട്ടങ്ങളിലേയും അപേക്ഷിച്ച് ഏറ്റവും കൂടുതൽ സുരക്ഷ ഈ ഘട്ടത്തിലാണ് ഏർപ്പെടുത്തിയിരിക്കുന്നത്. 618 കമ്പനി കേന്ദ്രസേനയെ മണ്ഡലങ്ങളിൽ തെരഞ്ഞെടുപ്പ് കമ്മീഷൻ നിയോഗിച്ചു.
തെരഞ്ഞെടുപ്പ് നടക്കുന്നത് കണക്കിലെടുത്ത് 89 കമ്പനിയെ നേരത്തെ തന്നെ സൗത്ത് 24 പർഗനാസിൽ നിയോഗിച്ചിരുന്നു. 2011 മുതൽ നടന്ന വിവിധ തെരഞ്ഞെടുപ്പുകളിൽ തൃണമൂൽ ശക്തികേന്ദ്രങ്ങളെന്ന് തെളിയിച്ച മണ്ഡലങ്ങളാണ് ഈ ഘട്ടത്തിൽ ജനവിധി നേടുന്നത്. 2016ൽ 7% വോട്ടുണ്ടായിരുന്ന ബിജെപിക്ക് 2019 ലോകസഭ തെരഞ്ഞെടുപ്പിൽ ഇവിടെ 37% വോട്ട് നേടാനായിരുന്നു. മൂന്നാം ഘട്ടത്തിൽ നാൽപ്പത് മണ്ഡലങ്ങളിലാണ് അസമിൽ തെരഞ്ഞെടുപ്പ് നടക്കുന്നത്.
