ആവേശത്തോടെ വിധിയെഴുതി പാലാ, പോളിംഗ് 68% കടന്നു - തത്സമയം

Pala polls today

7:19 PM IST

ആകെ പോളിം​ഗ് 71.48 ശതമാനം, വോട്ട് ചെയ്തത് 1,28037 പേര്‍

പാലാ ഉപതെരഞ്ഞെടുപ്പിൽ എല്ലാ ബൂത്തുകളിൽ നിന്നുമുള്ള വിവരങ്ങൾ ലഭിച്ചു. ആകെ പോളിം​ഗ് ചെയ്തത്  71.48 പേരാണ്. 128037 പേര്‍ വോട്ട് രേഖപ്പെടുത്തി. ഇതിൽ  65301(74.43) പേർ പുരുഷമാരും 62736(68.65)സ്ത്രീകളുമാണ്.
 

6:52 PM IST

പോളിം​ഗ് ശതമാനം 71.26, ആകെ വോട്ട് ചെയ്തത് 1,27641 പേര്‍

വോട്ടിം​ഗ് ശതമാനം 71.26. ആകെ 1,27641 പേരാണ് വോട്ട് ചെയ്തത്. 12 ബൂത്തുകളിലെ റിപ്പോര്‍ട്ടുകള്‍ കൂടി എത്താനുണ്ട്.

6:03 PM IST

വോട്ടെണ്ണൽ അവസാനിച്ചു; പോളിം​ഗ് ശതമാനം 68.74

പാലായിലെ ഉപതെരഞ്ഞെടുപ്പ് പോളിം​ഗ് അവസാനിച്ചു. ആകെ 68.74( 1,22950) ശതമാനം പേരാണ് വോട്ട് രേഖപ്പെടുത്തിയത്.

4:50 PM IST

യുഡിഎഫിന് വിജയം ഉറപ്പെന്ന് രമേശ് ചെന്നിത്തല

പാലായിൽ യുഡിഎഫിന് വിജയം ഉറപ്പെന്ന് പ്രതിപക്ഷ നേതാവ് രമേശ് ചെന്നിത്തല. യുഡിഎഫുകാർക്ക് കുതന്ത്രം എന്ന ജോസ് ടോംമിന്റെ അഭിപ്രായം വ്യക്തിപരമാണെന്നും യുഡിഎഫിൽ ആശങ്കയില്ലെന്നും ചെന്നിത്തല പറഞ്ഞു. ഉപതെരഞ്ഞെടുപ്പുകളിൽ യുഡിഎഫ് സ്ഥാനാർത്ഥി പ്രഖ്യാപനം ഉടനുണ്ടാകുമെന്നും അദ്ദേഹം വ്യക്തമാക്കി.

4:21 PM IST

പാലായിൽ ആകെ വോട്ട് ചെയ്തവർ 1,13099, പോളിം​ഗ് ശതമാനം 63.14

പാലായിൽ ഇതുവരെ 1,13099 പേർ വോട്ട് ചെയ്തു. 56915(64.87) പുരുഷന്‍മാരും 56184(61.48)സ്ത്രീകളുമാണ് വോട്ട് രേഖപ്പെടുത്തിയത്.
 

4:20 PM IST

പാലായിൽ പോളിം​ഗ് 63.10 ശതമാനമായി, വോട്ട് ചെയ്തത് 111443 പേർ

പാലായിൽ പോളിം​ഗ് 63.10 ശതമാനമായി. ആകെ 111443 പേരാണ് ഇതുവരെ വോട്ട് രേഖപ്പെടുത്തിയത്. ഇതിൽ 56003 പുരുഷൻമാരും 55440 സ്ത്രീകളുമാണ്.

4:02 PM IST

പാലായിൽ 128-ാം നമ്പർ ബൂത്തിൽ ഏജന്റുമാർ തമ്മിൽത്തർക്കം

പാലായിൽ 128-ാം നമ്പർ ബൂത്തിൽ ഏജന്റുമാർ തമ്മിൽത്തർക്കം. പ്രായമായ ആളുടെ വോട്ട് മറ്റൊരാൾ ചെയ്തതിലാണ് തർക്കം. 

3:58 PM IST

പോളിം​ഗ് ശതമാനം 57 കടന്നു, ആകെ വോട്ട് ചെയ്തവർ 103268

പാലായില്‍ വോട്ടുചെയ്തവരുടെ എണ്ണം ഒരു ലക്ഷം കവിഞ്ഞു. പോളിംഗ് ശതമാനം 57.65. 52002(59.27) പുരുഷന്‍മാരും 51266(56.10)സ്ത്രീകളും ഇതുവരെ വോട്ട് രേഖപ്പെടുത്തി.  

3:22 PM IST

ജോസ് ടോമിന്റെ ചുവരെഴുത്തുകൾ മായ്ച്ചു,പ്രതിഷേധവുമായി കേരളാ കോൺഗ്രസ് പ്രവർത്തകർ

മേലുകാവ് പഞ്ചായത്തിലെ ഇടമറുകിൽ ജോസ് ടോമിന്റെ പേരെഴുതിയ  രണ്ട് ചുവരെഴുത്തുകൾ മായ്ച്ചു. തൊടുപുഴയിലെ വസ്ത്രവ്യാപാര സ്ഥാപനത്തിന്റെ  പരസ്യം എഴുതാനാണ് ചുവരെഴുത്ത് മായ്ച്ചതെന്ന് ജോലിക്കാർ പറഞ്ഞു. പ്രതിഷേധവുമായി കേരളാ കോൺഗ്രസ് പ്രവർത്തകർ രംഗത്തെത്തി.

3:13 PM IST

പോളിംഗ് 56 ശതമാനം കടന്നു, ഉരുളികുന്നത്ത് വോട്ടിംഗ് മെഷീന്‍ തകരാര്‍

പാലായില്‍ വോട്ടുചെയ്തവരുടെ എണ്ണം ഒരു ലക്ഷം കവിഞ്ഞു. പോളിംഗ് ശതമാനം 56.62. ഉരുളികുന്നം 163-ാം നമ്പര്‍ ബൂത്തിലെ വോട്ടിംഗ് മെഷീൻ തകരാറിലായതിനെത്തുടര്‍ന്ന് അരമണിക്കൂറായി പോളിംഗ് തടസ്സപ്പെട്ട നിലയിലാണ്. ബൂത്തിൽ വോട്ടർമാരുടെ നീണ്ട നിര ദൃശ്യമാണ്.

2:00 PM IST

രണ്ട് മണിയോടെ പാലായിൽ പോളിംഗ് ശതമാനം 50 കടന്നു

രണ്ട് മണിയോടെ പാലായിൽ 50 ശതമാനം പോളിംഗ് കടന്നു. 86407 പേർ ഇതുവരെ വോട്ട് രേഖപ്പെടുത്തി. 50.2% പോളിംഗ്. 

1:00 PM IST

ഉച്ചയ്ക്ക് ഒരു മണി വരെ 45.03% ശതമാനം

ഉച്ചവരെയുള്ള കണക്കനുസരിച്ച് 45.03 ശതമാനം ആണ് പോളിംഗ്. ഏറ്റവും കൂടുതൽ പോളിംഗ് രേഖപ്പെടുത്തിയത് രാമപുരത്തും കുറവ് മേലുകാവിലും ആണ്. വൈകീട്ട് ആറ് വരെയാണ് വോട്ടെടുപ്പ്. 176 പോളിംഗ് ബൂത്തുകളിലും നല്ല തിരക്കാണ്. അത്യാധുനിക സംവിധാനങ്ങളുള്ള എം ത്രീ വോട്ടിംഗ് മെഷീനാണ് തെരഞ്ഞെടുപ്പിന് ഉപയോഗിക്കുന്നത്. ചെറിയ ചില സാങ്കേതിക പ്രശ്നങ്ങളൊഴിച്ചാൽ എല്ലായിടത്തും വോട്ടെടുപ്പ് സുഗമമായി പുരോഗമിക്കുകയാണ്.

12:27 PM IST

ജോയ് എബ്രഹാമിന്‍റെ പ്രസ്താവന അനവസരത്തിലെന്ന് ജോണി നെല്ലൂര്‍

ജോയ് എബ്രഹാമിന്‍റെ പ്രസ്താവന അനവസരത്തിലെന്ന് യുഡിഎഫ് സെക്രട്ടറി ജോണി നെല്ലൂര്‍.  പാലായിലെ വോട്ടെടുപ്പ് ദിവസം  ജോയ് എബ്രാഹം ജോസ് കെ മാണിയെ വിമര്‍ശിച്ചത് ശരിയായില്ലെന്നും ജോണി നെല്ലൂര്‍

12:23 PM IST

പാലായില്‍ ഇതുവരെ 30 ശതമാനം പോളിംഗ്

പാലായില്‍ കനത്ത പോളിംഗ് തുടരുന്നു. ഇതുവരെ പോള്‍ ചെയ്തത് 30 ശതമാനം.

12:14 PM IST

പാലായിൽ യുഡിഫ് വിജയം ഉറപ്പെന്ന് ഉമ്മന്‍ ചാണ്ടി

ജോയ് എബ്രഹാമിന്‍റെ പ്രസ്താവനയെ തള്ളി ഉമ്മൻ ചാണ്ടി. പ്രചരണം തീരും വരെ പാലായിൽ യുഡിഫ് ഒറ്റ കെട്ടായിരുന്നു. യുഡിഫിന്‍റെ വിജയം ഉറപ്പെന്നും ഉമ്മന്‍ ചാണ്ടി. മാണി സി കാപ്പന്‍റെ പ്രസ്താവന ഓരോ ദിവസവും ഓരോന്ന് എന്നും ഉമ്മൻ‌ചാണ്ടി. ഒരു വിഭാഗം കോൺഗ്രസ്‌ വോട്ട് എല്‍ഡിഎഫിന് മറിയും എന്നായിരുന്നു  മാണി സി കാപ്പന്‍റെ പ്രസ്താവന. ബിജെപി വോട്ട് കോൺഗ്രസിന് ലഭിക്കുമെന്നാണ് കാപ്പൻ കഴിഞ്ഞ ദിവസം പറഞ്ഞത്. ഓരോ ദിവസം ഓരോന്ന് പറയുകയാണ് കാപ്പൻ.

 

11:55 AM IST

കാര്യങ്ങള്‍ പറഞ്ഞത് സദുദ്ദേശത്തിലെന്ന് ജോയ് എബ്രഹാം

കാര്യങ്ങള്‍ പറഞ്ഞത് സദുദ്ദേശത്തിലെന്ന് ജോയ് എബ്രഹാം. താൻ ആരുടെയും പേര് പറഞ്ഞില്ല.   ആരെയും ഉന്നം വച്ച് പറഞ്ഞതുമല്ല . മാണി സാറിന്‍റെ തന്ത്രങ്ങളും കുശാഗ്ര ബുദ്ധിയും ആണ് തങ്ങൾ അനുകരിക്കുന്നത്.

11:53 AM IST

ഇതുവരെ 32.7 ശതമാനം പോളിംഗ്

പാലായില്‍ ഇതുവരെ 32.7 ശതമാനം പോളിംഗ്. വെളിച്ചക്കുറവുള്ള ബൂത്തുകളില്‍ ട്യൂബ് ലൈറ്റ് സ്ഥാപിക്കുന്നു.

11:30 AM IST

പുലിയന്നൂർ കാലനിലയം സ്കൂളിലെ ബൂത്തിലെ യന്ത്രതകരാര്‍ പരിഹരിച്ചു

മുത്തോലി 108 ആം നമ്പർ ബൂത്തിലെ കണ്‍ട്രോള്‍ യൂണിറ്റിനുണ്ടായ സാങ്കേതിക തകരാര്‍ പരിഹരിച്ചു. വെളിച്ചക്കുറവുള്ള സ്ഥലത്ത് ട്യൂബ് ലൈറ്റുകൾ സ്ഥാപിക്കുന്നു

11:21 AM IST

പോളിംഗ് ശതമാനം 30.18

പാലായിലെ പോളിംഗ് ശതമാനം 30.18 ആയി.57041  പേരാണ് ഇതുവരെ വോട്ട് ചെയ്തത്. വോട്ടെടുപ്പ് തുടരുന്നു.

 

11:17 AM IST

ഇതുവരെ 23.1 ശതമാനം പോളിംഗ്

ഇതുവരെ 23.1 ശതമാനം വോട്ട് രേഖപ്പെടുത്തി. രാവിലത്തേതില്‍ നിന്നും വ്യത്യസ്ഥമായി വോട്ടര്‍മാരുടെ എണ്ണത്തില്‍ കുറവുണ്ട്. നഗരത്തിന്‍റെ മറ്റ് സ്ഥലങ്ങളില്‍ കാര്യമായ വോട്ടിംഗ് നടക്കുന്നുണ്ട്. പാലാ മുന്‍സിപ്പാലിറ്റിയില്‍ മാത്രം 18 ശതമാനം വോട്ടിംഗ് നടന്നു.

11:10 AM IST

പോളിംഗ് ദിനവും കേരളാ കോൺഗ്രസിൽ തമ്മിലടി തീരുന്നില്ല

പാലാ തെരഞ്ഞെടുപ്പ് ദിനവും കേരളാ കോൺഗ്രസിൽ തമ്മിലടി തീരുന്നില്ല. ഉപതെരഞ്ഞെടുപ്പിൽ പാർട്ടിയിൽ എല്ലാവരും ഒറ്റക്കെട്ടായി നിന്നിട്ടില്ലെന്ന് പി ജെ ജോസഫ് പക്ഷത്തെ നേതാവ് ജോയ് അബ്രഹാം ഏഷ്യാനെറ്റ് ന്യൂസിനോട് പറഞ്ഞു. ചിലർക്കൊക്കെ കുതന്ത്രവും കുടിലബുദ്ധിയുമായിരുന്നു. അതൊക്കെ തെരഞ്ഞെടുപ്പ് പ്രചാരണത്തിൽ പ്രതിഫലിച്ചിട്ടുണ്ടെന്നും ജോയ് അബ്രഹാം. തെരഞ്ഞെടുപ്പ് ദിവസം തന്നെ ഇത്തരമൊരു പ്രസ്താവന വന്നതിൽ കടുത്ത അതൃപ്തി രേഖപ്പെടുത്തിയ ജോസ് വിഭാഗം, യുഡിഎഫിന് പരാതി നൽകുമെന്ന് വ്യക്തമാക്കി. കൂടുതല്‍ വിവരങ്ങള്‍ വായിക്കാന്‍ ക്ലിക്ക് ചെയ്യുക

split wide open in kerala congress on pala by election polling day

 

10:53 AM IST

പോള്‍ മാനേജര്‍ ആപ്ലിക്കേഷനിലെ സാങ്കേതിക തകരാര്‍ പരിഹരിച്ചു

പോള്‍ മാനേജര്‍ ആപ്ലിക്കേഷനിലെ സാങ്കേതിക തകരാര്‍ പരിഹരിച്ചു. വെളിച്ചക്കുറവുള്ള ബൂത്തുകളിലെ പ്രശ്നം പരിഹരിക്കാന്‍ കളക്ടര്‍ നിര്‍ദ്ദേശം നല്‍കി. സെക്ടറല്‍ ഓഫീസര്‍മാര്‍ പ്രശ്നം പരിഹരിച്ച് റിപ്പോര്‍ട്ട് നല്‍കും.

10:45 AM IST

യുഡിഎഫിലെ പ്രശ്നങ്ങള്‍ ഇടതുമുന്നണിക്ക് ബോണസ്: മാണി സി കാപ്പന്‍

കേരള കോണ്‍ഗ്രസ് തര്‍ക്കം കാരണം യുഡിഎഫിന്‍റെ വോട്ടുകള്‍ എല്‍ഡിഎഫിലേക്ക് മറിയുമെന്ന് മാണി സി കാപ്പന്‍. പാലായില്‍ കെ എം മാണി തരംഗമില്ല. യുഡിഎഫിലെ പ്രശ്നങ്ങള്‍ ഇടതുമുന്നണിക്ക് ബോണസാണ്.

10:43 AM IST

ഇതുവരെ 22 ശതമാനം പോളിംഗ്

പാലായില്‍ വോട്ടെടുപ്പ് പുരോഗമിക്കുന്നു. ഇതുവരെ രേഖപ്പെടത്തിയത് 21.63. 38756 പേരാണ് ഇതുവരെ വോട്ട് രേഖപ്പെടുത്തിയത്. 20492 പുരുഷന്മാരും 18264 സ്ത്രീകളുമാണ് വോട്ട് രേഖപ്പെടുത്തിയത്.  ഏറ്റവും കൂടുതല്‍ വോട്ട് രാമപുരത്തും കുറവ് മേലുകാവിലും.

10:15 AM IST

ഇതുവരെ 19.8% പോളിംഗ്

പാലായില്‍ ഇതുവരെ 19.8% പോളിംഗ് രേഖപ്പെടുത്തി. വോട്ടെടുപ്പ് തുടരുകയാണ്. ബൂത്തുകളില്‍ ആദ്യമണിക്കുറുകളിലേതിന് സമാനമായി നീണ്ട നിര തുടരുന്നു. ഏറ്റവും കൂടുതല്‍ പോളിംഗ് രേഖപ്പെടുത്തിയത് രാമപുരം പഞ്ചായത്തില്‍. ഏറ്റവും കുറവ് രേഖപ്പെടുത്തിയത് മേലുകാവില്‍. ലോക്സഭാ തെരഞ്ഞെടുപ്പിൽ ഏറ്റവും കുറവ് പോളിംഗ് ശതമാനം മേലുകാവിലായിരുന്നു

10:00 AM IST

പോൾ മാനേജർ ആപ്ലിക്കേഷനില്‍ സാങ്കേതിക തകരാര്‍

പോൾ മാനേജർ ആപ്ലിക്കേഷനിൽ സാങ്കേതിക തകരാറുള്ളതിനാല്‍ തെരഞ്ഞെടുപ്പ് വിവരങ്ങൾ നൽകുന്നതില്‍ താമസം. തകരാര്‍ പരിഹരിക്കാനുള്ള ശ്രമം പുരോഗമിക്കുന്നു

9:55 AM IST

ഇതുവരെ 17 % പോളിംഗ്

പാലായില്‍ ഇതുവരെ 17 ശതമാനം പോളിംഗ്. മിക്ക പോളിംഗ് ബൂത്തുകളിലും നീണ്ട നിരയാണുള്ളത്. വോട്ടെടുപ്പ് തുടരുന്നു.

9:53 AM IST

ജോയ് എബ്രഹാമിനെതിരെ ജോസ് പക്ഷം

ജോയ് എബ്രഹാമിന്‍റെ പ്രസ്താവനയ്ക്കെതിരെ യുഡിഎഫിന് പരാതി നല്‍കുമെന്ന് ജോസ് പക്ഷം.  തെരഞ്ഞെടുപ്പ് നടക്കുന്ന ദിവസം ഇത്തരം പ്രസ്താവനകളിറക്കുന്നത് മര്യാദകേടാണ്. ഒറ്റെക്കെട്ടായ പ്രവർത്തനത്തമാണ് യുഡിഎഫ് നടത്തിയതെന്നും ജോസ് പക്ഷം. 

9:34 AM IST

15.2 ശതമാനം പോളിംഗ്

പാലായില്‍ 15.2 ശതമാനം പോളിംഗ് രേഖപ്പെടുത്തി. വോട്ടെടുപ്പ് തുടരുന്നു.

9:26 AM IST

ചിലര്‍ക്ക് കുബുദ്ധിയും കുതന്ത്രങ്ങളുമെന്ന് ജോയ് എബ്രഹാം

ചിലര്‍ക്ക് കുബുദ്ധിയും കുതന്ത്രങ്ങളുമെന്ന് ജോയ് എബ്രഹാം.പാലായിലെ ജനങ്ങള്‍ വിചാരിക്കുന്നതിലും പ്രബുദ്ധര്‍. കെ എം മാണിയുടെ പിന്തുടര്‍ച്ചാവകാശം ഒരു കുടുംബത്തിനല്ല, പാര്‍ട്ടിക്കാണ്. എല്ലാവരും ഒറ്റക്കെട്ടായി പ്രവര്‍ത്തിച്ചില്ല. അതിന്‍റെ സംഘര്‍ഷം നിലവിലുണ്ടെന്നും ജോയ് എബ്രഹാം

9:12 AM IST

പോളിംഗ് ശതമാനം 10 കടന്നു

ആദ്യത്തെ രണ്ട് മണിക്കൂര്‍ പിന്നിടുമ്പോള്‍ പോളിംഗ് ശതമാനം 10 കടന്നു. ബൂത്തുകളില്‍ പോളിംഗ് തുടരുകയാണ്. 

9:03 AM IST

കെ എം മാണിയുടെ കുടുംബം വോട്ട് ചെയ്തു

പാലായിലെ സെന്‍റ്  തോമസ് സ്കൂളിലെ 128 ആം നമ്പര്‍ ബൂത്തിലെത്തി കെ എം മാണിയുടെ കുടുംബം വോട്ട് ചെയ്തു. ജോസ് കെ മാണി, നിഷാ ജോസ് കെ മാണി, കെ എം മാണിയുടെ ഭാര്യ കുട്ടിയമ്മ എന്നിവരാണ് വോട്ട് ചെയ്തത്. കെ എം മാണിയുടെ കല്ലറയില്‍ പോയി പ്രാര്‍ത്ഥിച്ചതിന് ശേഷമാണ് മാണി കുടുംബം വോട്ട് രേഖപ്പെടുത്താന്‍ എത്തിയത്. യുഡിഎഫ് വന്‍ ഭൂരിപക്ഷത്തില്‍ ജയിക്കുമെന്ന് നേരത്തെ കുട്ടിയമ്മ പ്രതികരിച്ചിരുന്നു.


 

8:58 AM IST

കെ എം മാണിയുടെ ഭാര്യ കുട്ടിയമ്മ വോട്ട് ചെയ്തു

കെ എം മാണിയുടെ ഭാര്യ കുട്ടിയമ്മ വോട്ട് ചെയ്തു. പാലായിലെ സെന്‍റ് തോമസ് സ്കൂളിലെ 128 ആം നമ്പര്‍ ബൂത്തിലാണ് കുട്ടിയമ്മ വോട്ട് ചെയ്തത്. കെ എം മാണിയുടെ കല്ലറയില്‍ പോയി പ്രാര്‍ത്ഥിച്ചതിന് ശേഷമാണ് മാണി കുടുംബം വോട്ട് രേഖപ്പെടുത്താന്‍ എത്തിയത്.

 

8:49 AM IST

ഇതുവരെ 9.2 ശതമാനം പോളിംഗ്

പാലായില്‍ ഇതുവരെയുള്ള പോളിംഗ് ശതമാനം 9.2. ഏറ്റവും അധികം പോളിംഗ് നടന്നത് രാമപുരം പഞ്ചായത്തില്‍. 9.46 ശതമാനം പോളിംഗാണ് ഇവിടെ രേഖപ്പെടുത്തിയിരിക്കുന്നത്. വോട്ടെടുപ്പ് തുടരുന്നു.

8:30 AM IST

ഇതുവരെ 8.3 ശതമാനം പോളിംഗ്

8.3 ശതമാനം പോളിംഗ് രേഖപ്പെടുത്തി. മേലുകാവിലെ ചില ബൂത്തുകളിലെ കണക്കുകള്‍ ലഭ്യമായിട്ടില്ല.വോട്ടിംഗ് മെഷീനുകളില്‍ ചെറിയ തകരാറുണ്ടായ നാലിടങ്ങളിലെ പ്രശ്നം പരിഹരിച്ചു.

8:12 AM IST

നടി മിയ വോട്ട് രേഖപ്പെടുത്തി

നാടിന് നല്ലതാരാണോ അവര്‍ ജയിക്കട്ടെ. നല്ല മാറ്റങ്ങളാകട്ടെയെന്ന് മിയ

8:09 AM IST

അത്ഭുതം സംഭവിക്കുമെന്ന് എന്‍ ഹരി

പാലായില്‍ അത്ഭുതം സംഭവിക്കുമെന്ന് എന്‍ഡിഎ സ്ഥാനാര്‍ത്ഥി എന്‍ ഹരി. ഫലം ഇടതുപക്ഷത്തിന് എതിരായ വിധിയെഴുത്ത് ആകുമെന്നും എന്‍ ഹരി

8:04 AM IST

ആദ്യമണിക്കൂറില്‍ ആറ് ശതമാനം പോളിംഗ്

ആദ്യമണിക്കൂറില്‍ ആറ് ശതമാനം പോളിംഗ് രേഖപ്പെടുത്തി. ഓരോ മണിക്കൂര്‍ ഇടവിട്ടാണ് ബൂത്തുകളില്‍നിന്നുള്ള പോളിംഗ് ശതമാനം ലഭിക്കുക. പോളിംഗ് തുടരുന്നു. ബൂത്തുകളില്‍ നീണ്ട നിര.

8:02 AM IST

യുഡിഎഫിന് വന്‍ ഭൂരിപക്ഷമുണ്ടാകുമെന്ന് കുട്ടിയമ്മ

യുഡിഎഫിന് വന്‍ ഭൂരിപക്ഷമുണ്ടാകുമെന്ന് അന്തരിച്ച കെ എം മാണിയുടെ ഭാര്യ കുട്ടിയമ്മ

8:01 AM IST

ഭൂരിപക്ഷം കൂടുമെന്ന് ജോസ് കെ മാണി

യുഡിഎഫിന്‍റെ ഭൂരിപക്ഷം ഉയരുമെന്ന് ജോസ് കെ മാണി

8:00 AM IST

ഇതുവരെ നാല് ശതമാനം പോളിംഗ്

ആദ്യ മണിക്കൂറില്‍ നാല് ശതമാനം പോളിംഗ് രേഖപ്പെടുത്തി. 176 ബൂത്തുകളിലും പോളിംഗ് തുടരുന്നു.

7:53 AM IST

വിജയപ്രതീക്ഷയോടെ ജോസ് ടോം

യുഡിഎഫ് സ്ഥാനാര്‍ത്ഥി ജോസ് ടോം വോട്ട് രേഖപ്പെടുത്തി. വിജയിക്കുമെന്നതില്‍ ഒരു ആശങ്കയുമില്ലെന്ന് ജോസ് ടോം. 100 ശതമാനം വിജയപ്രതീക്ഷ. പോളിംഗ് ശതമാനം ഉയരുമെന്നും യുഡിഎഫ് സ്ഥാനാര്‍ത്ഥി. 

7:30 AM IST

പാലാ ബിഷപ്പ് വോട്ട് ചെയ്തു

പാലാ ബിഷപ്പ് ജോസഫ് കല്ലറങ്ങാട്ട് വോട്ട് രേഖപ്പെടുത്തി. പാലാ സെന്‍റ് തോമസ് ഹയര്‍ സെക്കന്‍ററി സ്കൂളിലെ ബൂത്തിലാണ് ബിഷപ്പ് വോട്ട് ചെയ്‍തത്. ഒരു സ്ഥാനാര്‍ത്ഥിയോടും അടുപ്പവും അടുപ്പക്കുടുതലുമില്ലെന്ന് ബിഷപ്പ്

7:22 AM IST

176 പോളിംഗ് ബൂത്തുകളും സജ്ജം

ബൂത്തുകള്‍ക്ക് മുന്നില്‍ രാവിലെ മുതല്‍ നീണ്ട നിര. 176 പോളിംഗ് ബൂത്തുകളും സജ്ജം

7:14 AM IST

പാലായില്‍ മാറ്റമുണ്ടാകുമെന്ന് മാണി സി കാപ്പന്‍

പാലായില്‍ മാറ്റമുണ്ടാകുമെന്ന് മാണി സി കാപ്പന്‍. കുടുംബത്തോടൊപ്പം എത്തിയാണ് മാണി സി കാപ്പന്‍ വോട്ട് ചെയ്തത്.ഒന്നാമത് വോട്ട് ചെയ്തത് ഒന്നാമതാകാന്‍ പോകുന്നതിന്‍റെ സൂചന. കെ എം മാണിക്ക് ശേഷം പാലായെ മറ്റൊരു മാണി നയിക്കും. വോട്ടെണ്ണല്‍ ദിവസം ഇന്നത്തെ സന്തോഷത്തോടെ തന്നെ പ്രതികരിക്കും. 78 ശതമാനം വോട്ടിംഗ് നടക്കുമെന്നും മാണി സി കാപ്പന്‍റെ പ്രവചനം

7:06 AM IST

മാണി സി കാപ്പന്‍ വോട്ട് ചെയ്തു

വോട്ടെടുപ്പ് തുടങ്ങി. കാണാട്ടുപാറ 119 ആം ബൂത്തില്‍ എല്‍ഡിഎഫ് സ്ഥാനാര്‍ത്ഥി മാണി സി കാപ്പന്‍ ആദ്യ വോട്ട് രേഖപ്പെടുത്തി.

പോളിംഗ് ദിവസത്തിലും കേരളാ കോണ്‍ഗ്രസില്‍ അടി തീരുന്നില്ല. ഒറ്റക്കെട്ടായി പ്രവര്‍ത്തിച്ചില്ലെന്ന് ജോയ് എബ്രഹാം. ജോയ് എബ്രഹാമിനെതിരെ യുഡിഎഫില്‍ പരാതി നല്‍കുമെന്ന് ജോസ് പക്ഷം