കഴിഞ്ഞ 24 മണിക്കൂറിനിടെ ചികിത്സയിലായിരുന്ന 1,203 പേരാണ് രോഗമുക്തരായത്. രാജ്യത്ത് കൊവിഡ് ബാധിച്ച് ഒരു മരണം കൂടി റിപ്പോര്ട്ട് ചെയ്യപ്പെട്ടു.
അബുദാബി: യുഎഇയില് (UAE) പുതിയ കൊവിഡ് (Covid 19) രോഗികളുടെ എണ്ണം വീണ്ടും കുറഞ്ഞു. ഇന്ന് 386 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായാണ് (New covid infections) ആരോഗ്യ - പ്രതിരോധ മന്ത്രാലയം (Ministry of Health and Prevention) അറിയിച്ചത്. കഴിഞ്ഞ 24 മണിക്കൂറിനിടെ ചികിത്സയിലായിരുന്ന 1,203 പേരാണ് രോഗമുക്തരായത് (Covid recoveries).
Read also: യെമന് പൗരനെ കൊലപ്പെടുത്തിയ കേസ്; നിമിഷ പ്രിയയുടെ വധശിക്ഷ അപ്പീല് കോടതി ശരിവച്ചു
രാജ്യത്ത് കൊവിഡ് ബാധിച്ച് ഒരു മരണം കൂടി (covid deaths) റിപ്പോര്ട്ട് ചെയ്യപ്പെട്ടു. കഴിഞ്ഞ ഏതാനും ദിവസങ്ങളില് രാജ്യത്ത് പുതിയ കൊവിഡ് മരണങ്ങളും റിപ്പോര്ട്ട് ചെയ്യപ്പെട്ടിരുന്നില്ല. കഴിഞ്ഞ 24 മണിക്കൂറിനിടെ നടത്തിയ 3,01,287 കൊവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള് പ്രകാരം ആകെ 8,83,270 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 8,44,308 പേര് ഇതിനോടകം തന്നെ രോഗമുക്തരായി. 2,302 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില് രാജ്യത്ത് 36,660 കൊവിഡ് രോഗികളാണ് ചികിത്സയിലുള്ളത്.
ഇന്ന് 10,769 പേര്ക്കാണ് യുഎഇയില് കൊവിഡ് വാക്സിന് നല്കിയത്. ആകെ 24,259,048 ഡോസ് വാക്സിനുകളാണ് ഇതുവരെ യുഎഇയില് നല്കിയിട്ടുള്ളത്. 100 പേര്ക്ക് 245.28 ഡോസ് എന്ന കണക്കിലാണ് ഇപ്പോഴത്തെ വാക്സിനേഷന് നിരക്ക്.
ഒമാനില് 335 പുതിയ കൊവിഡ് കേസുകള്
മസ്കറ്റ്: ഒമാനില് (Oman) 335 പേര്ക്ക് കൂടി കൊവിഡ് (covid 19) വൈറസ് ബാധ സ്ഥിരീകരിച്ചു. 704 പേര് രോഗമുക്തരായി. ഇതിനകം രാജ്യത്ത് 3,75,503 പേര്ക്ക് രോഗം ഭേദമായിട്ടുണ്ട്. 3,85,153 പേര്ക്കാണ് ഒമാനില് ആകെ കൊവിഡ് ബാധിച്ചിട്ടുള്ളത്.
Read also: പ്രതീക്ഷകള് വിഫലം; നിയമപോരാട്ടങ്ങള്ക്കൊടുവില് നിമിഷപ്രിയയ്ക്ക് വധശിക്ഷ, കേസിന്റെ നാള്വഴി
97.5 ശതമാനമാണ് രോഗമുക്തി നിരക്ക്. കൊവിഡ് ബാധിച്ച് പുതിയതായി മരണങ്ങളൊന്നും ഒമാനില് റിപ്പോര്ട്ട് ചെയ്തിട്ടില്ല. ആകെ 4,249 പേര് കൊവിഡ് മൂലം മരണപ്പെട്ടിട്ടുണ്ട്. കഴിഞ്ഞ 24 മണിക്കൂറിനിടെ 31 കൊവിഡ് രോഗികളെ കൂടി ആശുപത്രികളില് പ്രവേശിപ്പിച്ചു. ആകെ 191 കൊവിഡ് രോഗികളാണ് രാജ്യത്ത് ഇപ്പോള് ആശുപത്രികളില് ചികിത്സയിലുള്ളത്. ഇവരില് 42 പേര് ഗുരുതരാവസ്ഥയിലാണ്. ഇവര് തീവ്രപരിചരണ വിഭാഗത്തില് ചികിത്സയിലുമാണ്.
