രഹസ്യ വിവരം ലഭിച്ചതനുസരിച്ച് നടത്തിയ അന്വേഷണമാണ് അറസ്റ്റിലേക്ക് നയിച്ചത്. ഇയാളുടെ കൈവശമുണ്ടായിരുന്ന മരുന്നുകളും അധികൃതര് പിടിച്ചെടുത്തു.
മനാമ: ബഹ്റൈനില് നിരോധനമുള്ള ഗുളികകള് കൈവശം വെച്ചതിനെ 48 വയസുകാരനെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. നാഷണല് ഹെല്ത്ത് റെഗുലേറ്ററി അതോറിറ്റിയുടെ സഹകരണത്തോടെ ജനറല് ഡയറക്ടറേറ്റ് ഓഫ് ക്രിമിനല് ഇന്വെസ്റ്റിഗേഷന് ആന്റ് ഫോറന്സിക് സയന്സാണ് നടപടിയെടുത്തത്.
രഹസ്യ വിവരം ലഭിച്ചതനുസരിച്ച് നടത്തിയ അന്വേഷണമാണ് അറസ്റ്റിലേക്ക് നയിച്ചത്. ഇയാളുടെ കൈവശമുണ്ടായിരുന്ന മരുന്നുകളും അധികൃതര് പിടിച്ചെടുത്തു. പിടിയിലായ വ്യക്തിയെ പബ്ലിക് പ്രോസിക്യൂഷന് കൈമാറുന്നത് ആവശ്യമായ നടപടികള് സ്വീകരിച്ചുവരുന്നതായി അഭ്യന്തര മന്ത്രാലയം പുറത്തിറക്കിയ അറിയിപ്പില് പറയുന്നു.
ബഹ്റൈനില് വാഹനാപകടത്തില് 27 വയസുകാരന് മരിച്ചു
മനാമ: ബഹ്റൈനില് വെള്ളിയാഴ്ചയുണ്ടായ വാഹനാപകടത്തില് 27 വയസുകാരന് മരിച്ചതായി ആഭ്യന്തര മന്ത്രാലയം അറിയിച്ചു. അറാദിലായിരുന്നു സംഭവം. കാറും ട്രക്കും കൂട്ടിയിടിച്ചാണ് ഒരു ജീവന് പൊലിഞ്ഞത്. മരണപ്പെട്ടത് ഏത് രാജ്യക്കാരനാണെന്നത് ഉള്പ്പെടെയുള്ള മറ്റ് വിവരങ്ങളൊന്നും ലഭ്യമായിട്ടില്ല. അധികൃതര് സ്ഥലത്തെത്തി തുടര് നടപടികള് സ്വീകരിച്ചെന്ന് ആഭ്യന്തര മന്ത്രാലയം അറിയിച്ചു.
സൗദി അറേബ്യയില് ജോലി സ്ഥലങ്ങളില് കുഴഞ്ഞുവീണ് രണ്ട് പ്രവാസികള് മരിച്ചു
റിയാദ്: സൗദി അറേബ്യയില് ജോലി സ്ഥലങ്ങളില് കുഴഞ്ഞുവീണ് രണ്ട് മലയാളികള് മരിച്ചു. മലപ്പുറം എടപ്പാൾ സ്വദേശി അബ്ദുൽ റസാഖും മലപ്പുറം കുറ്റിപ്പുറം കാലടി സ്വദേശി ഫിറോസുമാണ് ജിദ്ദയിലെ രണ്ട് സ്ഥലങ്ങളില് ജോലിയ്ക്കിടെ കുഴഞ്ഞുവീണ് മരിച്ചത്.
മലപ്പുറം എടപ്പാൾ കോലളമ്പ് സ്വദേശി അബ്ദുൽ റസാഖ് വെളുത്തേടത് വളപ്പിൽ (37) ആണ് മരണപ്പെട്ടവരില് ഒരാള്. ദീർഘകാലം റിയാദിൽ ജോലി ചെയ്തിരുന്ന അബ്ദുൽ റസാഖ് ഒരു മാസം മുമ്പാണ് ജിദ്ദയിലേക്ക് ജോലി മാറി എത്തിയത്. ജിദ്ദ ബലദിയ സ്ട്രീറ്റിലെ ഒരു സ്വകാര്യ സ്ഥാപനത്തിൽ ഒരു മാസമായി ജോലി ചെയ്യുകയായിരുന്നു. ജോലിക്കിടെ കുഴഞ്ഞുവീഴുകയായിരുന്നു. ഭാര്യയും രണ്ടു മക്കളുമുണ്ട്. മൃതദേഹം ഹസ്സൻ ഗസ്സാവി ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ജിദ്ദയിൽ ഖബറടക്കും.
Read also: യുഎഇയില് 1,666 പേര്ക്ക് കൂടി കൊവിഡ്, 24 മണിക്കൂറിനിടെ പുതിയ മരണങ്ങളില്ല
മലപ്പുറം കുറ്റിപ്പുറം കാലടി സ്വദേശി ഫിറോസ് വടക്കാത്തു പറമ്പിൽ (42) ജിദ്ദയിൽ ജോലി സ്ഥലത്തു വെച്ചാണ് മരിച്ചത്. ഇന്നലെ രാത്രി എട്ടുമണിക്ക് ജോലിസ്ഥലത്ത് കുഴഞ്ഞു വീഴുകയായിരുന്നു. സ്വകാര്യ ജലവിതരണ കമ്പനിയിൽ ഏതാനും ദിവസങ്ങൾക്ക് മുമ്പാണ് ജോലിയിൽ പ്രവേശിച്ചത്. ഭാര്യ സാജിത. നാല് പെൺകുട്ടികളുമുണ്ട്. മൃതദേഹം മഹജർ കിംഗ് അബ്ദുൽ അസീസ് ഹോസ്പിറ്റൽ മോർച്ചറിയിൽ സൂക്ഷിച്ചിരിക്കുന്നു. മൃതദേഹം ജിദ്ദയിൽ ഖബറടക്കുന്നതിനുവേണ്ട നടപടികൾ ജിദ്ദ കെ.എം.സി.സി വെൽഫെയർ വിങ്ങിന്റെ നേതൃത്വത്തിൽ നടന്നുവരുന്നു.
