വസ്ത്രങ്ങൾക്കിടയിൽ ഒളിപ്പിച്ച നിലയിലായിരുന്നു ഹാഷിഷ് കണ്ടെത്തിയത്
കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിൽ ഹാഷിഷ് കടത്താൻ ശ്രമിച്ച മുപ്പതുകാരനായ പ്രവാസി അറസ്റ്റിൽ. ഇയാളെ മയക്കുമരുന്ന് നിയന്ത്രണത്തിനായുള്ള ജനറൽ ഡിപ്പാർട്ട്മെൻ്റിലേക്ക് റഫര് ചെയ്തു. ഇയാളുടെ അസ്വസ്ഥവും വിചിത്രവുമായ പെരുമാറ്റം വിമാനത്താവളത്തിലെ കസ്റ്റംസ് ഉദ്യോഗസ്ഥരുടെ ശ്രദ്ധയില്പ്പെടുകയായിരുന്നു.
ആശയക്കുഴപ്പത്തിലായി കാണപ്പെടുകയും ചുറ്റും പരിഭ്രാന്തനായി നോക്കുകയും ചെയ്യുന്നത് കണ്ടതോടെ ഒരു ഇൻസ്പെക്ടർ അയാളെ ഒരു സ്വകാര്യ പരിശോധനാ മുറിയിലേക്ക് കൊണ്ടുപോയി വ്യക്തിപരമായ പരിശോധന നടത്തുകയും ലഗേജ് വിശദമായി പരിശോധിക്കുകയും ചെയ്തു. പരിശോധനയ്ക്കിടെ, ഉദ്യോഗസ്ഥർ അയാളുടെ വസ്ത്രങ്ങൾക്കിടയിൽ ഒളിപ്പിച്ച രണ്ട് കഷ്ണം ഹാഷിഷ് കണ്ടെത്തി. ഹാഷിഷ് സുഹൃത്തുക്കൾക്ക് സമ്മാനമായി നൽകാനുള്ള ചെറിയ അളവിലുള്ള ഹാഷിഷ് ആണെന്ന് പ്രതി അവകാശപ്പെട്ടതായി റിപ്പോർട്ടുകൾ സൂചിപ്പിക്കുന്നു.
