ഗ്രഹങ്ങളുടെ സംയോജനം, ഉൽക്കാവർഷങ്ങൾ, തിളങ്ങുന്ന നക്ഷത്രസമൂഹങ്ങൾ എന്നിവ രാത്രിയിൽ നിരീക്ഷിക്കാൻ കഴിയും
കുവൈത്ത് സിറ്റി: കുവൈത്ത് നഗരത്തിന് മുകളിലെ ആകാശം ഈ മാസം അത്യപൂർവ്വമായ ജ്യോതിശാസ്ത്ര പ്രതിഭാസങ്ങളാൽ അലങ്കരിക്കപ്പെടും. ജ്യോതിശാസ്ത്ര വിദഗ്ദ്ധർ പറയുന്നതനുസരിച്ച്, ഗ്രഹങ്ങളുടെ സംയോജനം, ഉൽക്കാവർഷങ്ങൾ, തിളങ്ങുന്ന നക്ഷത്രസമൂഹങ്ങൾ എന്നിവ രാത്രിയിൽ നിരീക്ഷിക്കാൻ കഴിയുമെന്ന് അൽ അജൈരി സയന്റിഫിക് സെന്റര് അറിയിച്ചു.
ഞായറാഴ്ച, ചന്ദ്രൻ ചൊവ്വാ ഗ്രഹവുമായി സംയോജിക്കുന്നതോടെയാണ് ഈ പ്രതിഭാസങ്ങൾക്ക് ആരംഭമായത്. തിങ്കളാഴ്ചയും ചൊവ്വാഴ്ചയും ഡെൽറ്റ അക്വാറിഡ് ഉൽക്കാവർഷത്തിന് സാക്ഷ്യം വഹിക്കുമെന്ന് സെന്റര് വിശദീകരിച്ചു. കിഴക്കൻ ചക്രവാളത്തിൽ അതിന്റെ പ്രഭാവകേന്ദ്രം ഉദിച്ചതിന് ശേഷം, ഏകദേശം രാത്രി 1:22ന് ശേഷം കുവൈത്ത് സിറ്റിയിൽ നിന്ന് ഇത് കാണാൻ കഴിയും. മെയ് മാസത്തിൽ ചന്ദ്രൻ ഭൂമിയുടെ ഭ്രമണപഥത്തിൽ ഏറ്റവും അകലെയുള്ള അപോജിയിൽ എത്തുമെന്നും, മെയ് 11ന് മറ്റ് സമയങ്ങളേക്കാൾ അൽപ്പം ചെറുതായി കാണപ്പെടുമെന്നും സെന്റർ സൂചിപ്പിച്ചു.
അടുത്ത ദിവസം, വടക്കൻ അർധഗോളത്തിൽ ഫ്ലവർ മൂൺ എന്നറിയപ്പെടുന്ന പൂർണ്ണചന്ദ്രൻ ദൃശ്യമാകും. മെയ് 22ന് ചന്ദ്രൻ ശനി ഗ്രഹവുമായി സംയോജിക്കുമെന്നും, അവ തമ്മിൽ 28.2 ഡിഗ്രി അകലത്തിൽ അടുത്തുവരുമെന്നും സെന്റര് അറിയിച്ചു. ജ്യോതിശാസ്ത്ര പ്രേമികൾക്ക് ദൂരദർശിനി ഉപയോഗിച്ചാൽ ഈ പ്രതിഭാസങ്ങൾ കൂടുതൽ വ്യക്തമായി കാണാൻ സാധിക്കും. കുവൈത്തിൻ്റെ മരുഭൂമി പോലുള്ള ഉയർന്ന സ്ഥലങ്ങൾ ഇതിന് അനുയോജ്യമാണ്.
