പ്രവാസികള്ക്കും സ്വദേശികള്ക്കും സന്തോഷമേകി ഒമാനില് ഇന്ന് മുതല് നാല് ദിവസം തുടർച്ചയായ അവധി. നീണ്ട അവധി ദിവസങ്ങൾ ആഘോഷമാക്കാനൊരുങ്ങിയിരിക്കുകയാണ് പ്രവാസികളും.
മസ്കറ്റ്: ഒമാനിൽ ഇന്ന് മുതല് നാല് ദിവസം തുടർച്ചയായ അവധി. സ്വദേശികൾക്കും പ്രവാസികൾക്കും സന്തോഷമേകി തുടർച്ചയായ നാല് ദിവസത്തെ അവധിയാണ് ലഭിക്കുക. ജനുവരി 15 വ്യാഴാഴ്ച മുതൽ ജനുവരി 18 ഞായറാഴ്ച വരെയാണ് പൊതു അവധി. വാരാന്ത്യ അവധി ദിനങ്ങൾക്കൊപ്പം മറ്റ് രണ്ട് ഔദ്യോഗിക അവധികൾ കൂടി ഒത്തുചേർന്നതോടെയാണ് താമസക്കാർക്ക് നീണ്ട അവധി ലഭിക്കുന്നത്.
അവധി ദിവസങ്ങൾ
ജനുവരി 15 (വ്യാഴം)- സുൽത്താൻ ഹൈതം ബിൻ താരിഖ് അധികാരം ഏറ്റെടുത്തതിന്റെ വാർഷികം.
ജനുവരി 16, 17 (വെള്ളി, ശനി): സാധാരണ വാരാന്ത്യ അവധി ദിനങ്ങൾ.
Related Articles
ജനുവരി 18 (ഞായർ): ഇസ്റാഅ് മിഅ്റാജ് പ്രമാണിച്ചുള്ള അവധി.
തിങ്കളാഴ്ച (ജനുവരി 19) മുതൽ ഓഫീസുകളും സ്ഥാപനങ്ങളും സാധാരണ നിലയിൽ പ്രവർത്തിച്ചു തുടങ്ങും. തുടർച്ചയായ അവധി ദിനങ്ങൾ പരിഗണിച്ച് തങ്ങളുടെ യാത്രാ പദ്ധതികളും ജോലി സംബന്ധമായ കാര്യങ്ങളും മുൻകൂട്ടി ക്രമീകരിക്കാൻ ഒമാൻ ഭരണകൂടം പൊതു-സ്വകാര്യ മേഖലകളിലെ ജീവനക്കാർക്കും താമസക്കാർക്കും നിർദ്ദേശം നൽകി. ദീർഘമായ ഈ അവധി ആഘോഷമാക്കാൻ വിനോദസഞ്ചാര കേന്ദ്രങ്ങളിലും മാളുകളിലും വലിയ തിരക്ക് അനുഭവപ്പെടാൻ സാധ്യതയുണ്ട്.
