Asianet News MalayalamAsianet News Malayalam

ഗ്രാന്‍ഡ് മോസ്‌കില്‍ രാത്രികാലങ്ങളിലും സന്ദര്‍ശനത്തിന് അനുമതി

ശൈ​ഖ് സാ​യി​ദ് മ​സ്ജി​ദി​ന്‍റെ പ​തി​നാ​റാം വാ​ര്‍ഷി​ക​ത്തോ​ട​നു​ബ​ന്ധി​ച്ചാ​ണ് സൂ​റ ഈ​വ​നി​ങ് ക​ള്‍ച​റ​ല്‍ ടൂ​ര്‍സ് എ​ന്ന പേ​രി​ല്‍ രാ​ത്രി സ​ന്ദ​ര്‍ശ​നം ആ​രം​ഭി​ച്ചത്.

Grand Mosque  introduced night tours for visitors
Author
First Published Dec 30, 2023, 4:43 PM IST

അബുദാബി: ശൈഖ് സായിദ് ഗ്രാന്‍ഡ് മോസ്‌കില്‍ രാത്രികാലങ്ങളില്‍ സന്ദര്‍ശനത്തിന് അനുമതി. ഇതോടെ 24 മണിക്കൂറും പൊതുജനങ്ങള്‍ക്ക് മോസ്‌ക് സന്ദര്‍ശിക്കാനാകും. രാത്രി 10 മുതല്‍ രാവിലെ ഒമ്പത് വരെയാണ് സന്ദര്‍ശന സമയം. 

ശൈ​ഖ് സാ​യി​ദ് മ​സ്ജി​ദി​ന്‍റെ പ​തി​നാ​റാം വാ​ര്‍ഷി​ക​ത്തോ​ട​നു​ബ​ന്ധി​ച്ചാ​ണ് സൂ​റ ഈ​വ​നി​ങ് ക​ള്‍ച​റ​ല്‍ ടൂ​ര്‍സ് എ​ന്ന പേ​രി​ല്‍ രാ​ത്രി സ​ന്ദ​ര്‍ശ​നം ആ​രം​ഭി​ച്ചത്. രാ​ത്രി​യി​ലെ യാ​ത്ര എ​ന്നാ​ണ് സൂ​റ എ​ന്ന അ​റ​ബി​ക് പ​ദ​ത്തി​ന്‍റെ അ​ര്‍ഥം. 14 ഭാ​ഷ​ക​ളി​ല്‍ മ​ള്‍ട്ടി​മീ​ഡി​യ ഗൈ​ഡ് ഡി​വൈ​സ് സ​ന്ദ​ര്‍ശ​ക​ര്‍ക്ക് ഉ​പ​യോ​ഗ​പ്പെ​ടു​ത്താം. അ​ന്ധ​ര്‍ക്കും ബ​ധി​ര​ര്‍ക്കും കൂ​ടി പ്ര​യോ​ജ​ന​പ്പെ​ടു​ന്ന രീ​തി​യി​ലാ​ണ് ഇ​ത് ത​യാ​റാ​ക്കി​യി​രി​ക്കു​ന്ന​ത്. 20 ദി​ര്‍ഹ​മാ​ണ് പ്ര​വേ​ശ​ന ഫീ​സ്. wwws.zgmc.gov.ae എ​ന്ന വെ​ബ്‌​സൈ​റ്റി​ലൂ​ടെ ടി​ക്ക​റ്റ്​ ബു​ക്ക് ചെ​യ്യാം. ശ​നി മു​ത​ല്‍ വ്യാ​ഴം വ​രെ രാ​വി​ലെ ഒ​മ്പ​തു മു​ത​ല്‍ രാ​ത്രി 10 വ​രെ​യും വെ​ള്ളി രാ​വി​ലെ ഒ​മ്പ​തു മു​ത​ല്‍ ഉ​ച്ച​ക്ക് 12 വ​രെ​യും വൈ​കീ​ട്ട് മൂ​ന്ന് മു​ത​ല്‍ രാ​ത്രി 10 വ​രെ​യു​മാ​ണ് മ​റ്റു സ​ന്ദ​ർ​ശ​ന സ​മ​യം.

Read Also - ഫ്രീയായി കിട്ടിയ ടിക്കറ്റിൽ വമ്പൻ ഭാഗ്യം, സെയിൽസ് മാനായ മലയാളിക്ക് കിട്ടിയത് ലക്ഷങ്ങളല്ല; 2.26 കോടി

ഇത്തിഹാദ് എയര്‍വേയ്‌സിന്റെ പ്രതിദിന സര്‍വീസ് പുനരാരംഭിക്കുന്നു

അബുദാബി: ഇത്തിഹാദ് എയര്‍വേയ്‌സിന്റെ കോഴിക്കോട്, തിരുവനന്തപുരം സെക്ടറിലേക്ക് പ്രതിദിന സര്‍വീസ് ജനുവരി ഒന്ന് മുതല്‍ പുനരാരംഭിക്കുന്നു. നിലവില്‍ കൊച്ചിയിലേക്ക് മാത്രമാണ് ഇത്തിഹാദ് എയര്‍വേയ്‌സ് സര്‍വീസ് നടത്തുന്നത്.

അബുദാബിയില്‍ നിന്ന് പുലര്‍ച്ചെ 3.20ന് പുറപ്പെടുന്ന വിമാനം രാവിലെ 9ന് തിരുവനന്തപുരത്തെത്തും. തിരികെ 10.05ന് പുറപ്പെടുന്ന വിമാനം ഉച്ചയ്ക്ക് 12.55ന് അബുദാബിയിലെത്തും. 198 സീറ്റുകളുള്ള വിമാനമാണ് സര്‍വീസ് നടത്തുന്നത്. അബുദാബിയില്‍ നിന്ന് കോഴിക്കോട്ടേക്കുള്ള വിമാനം ഉച്ചയ്ക്ക് 2.20ന് പുറപ്പെട്ട് രാത്രി 7.55ന് കരിപ്പൂരിൽ എത്തും. തിരികെ രാത്രി 9.30ന് പുറപ്പെട്ട് അർധരാത്രി 12.05ന് അബുദാബിയിൽ ലാൻഡ് ചെയ്യും. പുതിയ സർവീസുകൾക്കായി ദുബായിൽ നിന്ന് ബസ് സൗകര്യവും ഏർപ്പെടുത്തിയിട്ടുണ്ട്. വിമാന ടിക്കറ്റ് എടുക്കുന്ന സമയത്തു തന്നെ ബസ് സേവനവും ബുക്ക് ചെയ്യണം. 

ഏഷ്യാനെറ്റ് ന്യൂസ് ലൈവ് യുട്യൂബില്‍ കാണാം...

 

Follow Us:
Download App:
  • android
  • ios