വേശ്യാവൃത്തി; വ്യത്യസ്ത കേസുകളില് 30 പ്രവാസികൾ അറസ്റ്റിൽ
വ്യത്യസ്ത കേസുകളില് 30 പ്രവാസികളെയാണ് അറസ്റ്റ് ചെയ്തത്.
 )
കുവൈത്ത് സിറ്റി: കുവൈത്തില് വേശ്യാവൃത്തിയിൽ ഏർപ്പെട്ട 30 പ്രവാസികൾ അറസ്റ്റിൽ. പൊതു ധാര്മ്മികതയ്ക്ക് വിരുദ്ധമായുള്ള പ്രവര്ത്തനങ്ങള് നടക്കുന്നുണ്ടോയെന്ന് കണ്ടെത്താന് ക്രിമിനല് ഇന്വെസ്റ്റിഗേഷന് വിഭാഗം അധികൃതര് സോഷ്യല് മീഡിയ, മസാജ് പാര്ലറുകള് എന്നിവ നിരീക്ഷിച്ച് വരികയായിരുന്നു.
ഇതിന്റെ ഭാഗമായി വ്യത്യസ്ത കേസുകളില് 30 പ്രവാസികളെയാണ് അറസ്റ്റ് ചെയ്തത്. രാജ്യത്തിന്റെ വിവിധ പ്രദേശങ്ങളിൽ നിന്നായി 15 വ്യത്യസ്ത കേസുകളിലായാണ് 30 പ്രവാസികളെ ആഭ്യന്തര മന്ത്രാലയ ഉദ്യോഗസ്ഥര് അറസ്റ്റ് ചെയ്തത്. പൊതു ധാർമ്മികതയ്ക്ക് വിരുദ്ധമായി വേശ്യാവൃത്തിയില് ഏർപ്പെട്ടതുമായി ബന്ധപ്പെട്ട കുറ്റങ്ങൾ ചുമത്തിയാണ് ഇവരെ അറസ്റ്റ് ചെയ്തത്.
അതേസമയം കഴിഞ്ഞ ദിവസം കുവൈത്തില് വിവിധ പ്രദേശങ്ങളിൽ മദ്യ നിര്മ്മാണവുമായി ബന്ധപ്പെട്ട കേസുകളില് 12 പ്രവാസികൾ അറസ്റ്റിലായിരുന്നു. ഏഴ് വ്യത്യസ്ത കേസുകളിലായാണ് പ്രതികൾ പിടിയിലായിട്ടുള്ളതെന്ന് അധികൃതർ അറിയിച്ചു.
ഏഷ്യക്കാരാണ് അറസ്റ്റിലായത്. പ്രാദേശികമായി മദ്യം ഉൽപ്പാദിപ്പിക്കുന്നതായും വിൽപ്പന നടത്തുന്നതായും വിവരങ്ങൾ ലഭിച്ചതിനെ തുടർന്ന് നടത്തിയ പരിശോധനയിലാണ് ഇവരെ അറസ്റ്റ് ചെയ്തത്. മദ്യം ഉൽപ്പാദിപ്പിക്കാൻ വേണ്ട സജ്ജീകരണങ്ങളുള്ള ആറ് അപ്പാര്ട്ട്മെന്റുകളില് അധികൃതര് റെയ്ഡ് നടത്തി. പ്രാദേശികമായി നിര്മ്മിച്ച 7854 കുപ്പി മദ്യം, മദ്യനിര്മ്മാണത്തിന് ഉപയോഗിക്കുന്ന 116 ബാരല് അസംസ്കൃത വസ്തുക്കള് എന്നിവയും പിടിച്ചെടുത്തു. പ്രതികളെയും പിടിച്ചെടുത്ത വസ്തുക്കളും ബന്ധപ്പെട്ട അതോറിറ്റിയിലേക്ക് കൈമാറി.
Read Also - ഒറ്റ വിസയിൽ ആറ് ഗൾഫ് രാജ്യങ്ങളും സന്ദർശിക്കാം; ഉച്ചകോടിയില് തീരുമാനം, ഏകീകൃത ടൂറിസ്റ്റ് വിസ ഉടൻ
കര്ശന പരിശോധന; ഒരാഴ്ചക്കിടെ 215 പേര് അറസ്റ്റില്, 27,457 ട്രാഫിക് നിയമലംഘനങ്ങൾ കണ്ടെത്തി
കുവൈത്ത് സിറ്റി: കുവൈത്തില് ട്രാഫിക്ക്, സുരക്ഷാ വിഭാഗങ്ങളുടെ നേതൃത്വത്തില് രാജ്യവ്യാപകമായി കര്ശന പരിശോധന തുടരുന്നു. സെപ്റ്റംബര് 16 മുതൽ 23 വരെ നടത്തിയ സുരക്ഷാ പരിശോധനകളില് 215 പേരെയാണ് അറസ്റ്റ് ചെയ്തത്.
27,457 ട്രാഫിക് നിയമലംഘനങ്ങളും കണ്ടെത്തി. ഈ കാലയളവിൽ അറസ്റ്റിലായ പ്രായപൂർത്തിയാകാത്ത 13 പേരെ ജുവനൈൽ പ്രോസിക്യൂഷനിലേക്ക് റഫർ ചെയ്തു. ജനറൽ ട്രാഫിക് ഡിപ്പാർട്ട്മെന്റ് പുറത്തുവിട്ട ഏറ്റവും പുതിയ കണക്കുകള് പ്രകാരം വാണ്ടഡ് ലിസ്റ്റിലുള്ള 92 വാഹനങ്ങളാണ് പിടിച്ചെടുത്തത്.
45 പേരെ മുൻകരുതല് എന്ന നിലയില് കസ്റ്റഡിയിലെടുത്തിട്ടുമുണ്ട്. 24,054 വിവിധ ട്രാഫിക് നിയമലംഘനങ്ങൾ കണ്ടെത്തി. 114 വാഹനങ്ങൾ കണ്ടുകെട്ടുകയും 22 മോട്ടോർ സൈക്കിളുകൾ ആഭ്യന്തര മന്ത്രാലയത്തിന്റെ ഗാരേജിലേക്ക് മാറ്റുകയും ചെയ്തു. മൂന്ന് പേരെ ഡ്രഗ് കൺട്രോൾ ജനറൽ അഡ്മിനിസ്ട്രേഷനിലേക്കും റഫർ ചെയ്തു. റെസിഡൻസി നിയമങ്ങള് ലംഘിച്ച 18 പേരാണ് പിടിയിലായത്. ആവശ്യമായ രേഖകള് കൈവശമില്ലാത്ത ഒമ്പത് പേരെയും അറസ്റ്റ് ചെയ്തു. ഇവരെ തുടര് നടപടികള്ക്കായി ബന്ധപ്പെട്ട അധികൃതര്ക്ക് കൈമാറിയിട്ടുണ്ട്.
ഏഷ്യാനെറ്റ് ന്യൂസ് ലൈവ് യുട്യൂബില് കാണാം...
