സൗദി സെൻറർ ഫോർ ഓർഗൻ ട്രാൻസ്പ്ലാേൻറഷനാണ് ഇതിനാവശ്യമായ പ്രവർത്തനങ്ങൾ നടത്തിയത്.ഗുരുതരമായ ഹൃദ്രോഗം ബാധിച്ച അഞ്ചും എട്ടും വയസുള്ള രണ്ടു കുട്ടികൾക്കും 44 വയസുള്ള സൗദി പൗരനും ഹൃദയം മാറ്റിവെച്ചു.
റിയാദ്: മസ്തിഷ്ക മരണം സംഭവിച്ച അഞ്ചുപേരുടെ ആന്തരികാവയവങ്ങൾ 13 പേർക്ക് പുതുജീവൻ നൽകി. സൗദിയിലെ ബൽജുർശി അമീർ മുശാരി ആശുപത്രി, ദമ്മാം കിങ് ഫഹദ് സ്പെഷ്യലിസ്റ്റ് ആശുപത്രി, റിയാദ് കിങ് സഊദ് മെഡിക്കൽ സിറ്റി, അബുദാബിയിലെ ക്ലെവ്ലാൻറ് ക്ലിനിക്ക് എന്നിവിടങ്ങളിൽ ചികിത്സയിൽ കഴിയുേമ്പാൾ മസ്തിഷ്ക മരണം സംഭവിച്ച അഞ്ചു രോഗികളുടെ അവയവങ്ങളാണ് 13 പേരിൽ വിജയകരമായി മാറ്റിവെച്ചത്.
സൗദി സെൻറർ ഫോർ ഓർഗൻ ട്രാൻസ്പ്ലാേൻറഷനാണ് ഇതിനാവശ്യമായ പ്രവർത്തനങ്ങൾ നടത്തിയത്.
ഗുരുതരമായ ഹൃദ്രോഗം ബാധിച്ച അഞ്ചും എട്ടും വയസുള്ള രണ്ടു കുട്ടികൾക്കും 44 വയസുള്ള സൗദി പൗരനും ഹൃദയം മാറ്റിവെച്ചു. രണ്ടു വയസുള്ള ബാലനും 24, 54, 58 വീതം പ്രായമുള്ള മൂന്നു സൗദി പൗരന്മാർക്കും കരൾമാറ്റിവെക്കൽ ശസ്ത്രക്രിയകളും നടത്തി. വൃക്കകൾ പ്രവർത്തനരഹിതമായ 17, 49, 56 വീതം പ്രായമുള്ള സൗദി പൗരന്മാർക്കും 27, 45 വീതം പ്രായമുള്ള സൗദി വനിതകൾക്കും വൃക്കമാറ്റിവെക്കൽ ശസ്ത്രക്രിയകളും 40 വയസുള്ള സൗദി പൗരന് പാൻക്രിയാസ് മാറ്റിവെക്കൽ ഓപറേഷനും നടത്തി.
മെഡിക്കൽ നൈതികതക്ക് അനുസൃതമായി നീതിപൂർവമായും മെഡിക്കൽ മുൻഗണനാക്രമം പാലിച്ചുമാണ് രോഗികൾക്ക് അവയവമാറ്റിവെക്കൽ ശസ്ത്രക്രിയകൾ നടത്തിയതെന്ന് സൗദി സെൻറർ ഫോർ ഓർഗൻ ട്രാൻസ്പ്ലാേൻറഷൻ ഡയറക്ടർ ജനറൽ ഡോ. ത്വലാൽ അൽഖൗഫി പറഞ്ഞു. ബന്ധപ്പെട്ട എല്ലാ വകുപ്പുകളും നന്നായി സഹകരിച്ചതിെൻറ ഫലമായാണ് ഓപ്പറേഷനുകൾ വിജയകരമായി പൂർത്തിയാക്കാൻ സാധിച്ചതെന്നും ഡോ. ത്വലാൽ അൽഖൗഫി പറഞ്ഞു.
അവധി കഴിഞ്ഞെത്തി രണ്ടാം ദിനം പ്രവാസി മലയാളി മരിച്ചു
റിയാദ്: അവധികഴിഞ്ഞ് നാട്ടിൽനിന്ന് റിയാദിലെത്തി രണ്ടാംദിനം മലയാളി നിര്യാതനായി. കൊല്ലം കടപ്പാക്കട ശാസ്ത്രി ജങ്ഷൻ പൂലച്ചിറ വയലിൽ വീട്ടിൽ സതീഷ് കുമാർ (51) ആണ് റിയാദിലെ അൽഖലീജ് ഡിസ്ട്രിക്റ്റിലെ താമസസ്ഥലത്ത് മരിച്ചത്.
നാട്ടിൽ നിന്ന് വെള്ളിയാഴ്ച രാത്രി 10 മണിക്കാണ് റിയാദിൽ തിരിച്ചെത്തിയത്. 12 വർഷമായി സൗദിയിൽ പ്രവാസിയായ ഇദ്ദേഹം ഹൗസ് ഡ്രൈവറായാണ് ജോലി ചെയ്തിരുന്നത്. പിതാവ്: പരേതനായ കൃഷ്ണൻ കുട്ടി, മാതാവ്: കൃഷ്ണമ്മ, ഭാര്യ: ജനനി നിർമല, മക്കൾ: കാവ്യ, കൃഷ്ണ. മൃതദേഹം നാട്ടിൽ അയക്കാൻ ആവശ്യമായ നടപടിക്രമങ്ങൾ പൂർത്തീകരിക്കാൻ റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ് ആക്റ്റിങ് ചെയർമാൻ റിയാസ് തിരൂർക്കാട്, ജനറൽ കൺവീനർ ഷറഫു പുളിക്കൽ, ജാഫർ വീമ്പൂർ, ഹനീഫ മുതുവല്ലൂർ എന്നിവർ രംഗത്തുണ്ട്.
ഏഷ്യാനെറ്റ് ന്യൂസ് ലൈവ് യൂട്യൂബില് കാണാം...
ᐧ
