പൊതുമാപ്പ്; ഇന്ത്യക്കാര്‍ക്ക് മാര്‍ഗനിർദേശങ്ങൾ പുറപ്പെടുവിച്ച് എംബസി
മാർച്ച് 21 മുതൽ ഏപ്രിൽ എട്ട് വരെയുള്ള എല്ലാ ടോക്കണുകളും ഇതിനകം ബുക്ക് ചെയ്തിട്ടുള്ളതിനാൽ, ഈ കാലയളവിൽ ഈ ടോക്കൺ ഉടമകൾക്ക് മാത്രമേ ബിഎൽഎസ് സെന്‍ററുകളില്‍ സേവനം ലഭിക്കുകയുള്ളൂ.
കുവൈത്ത് സിറ്റി: കുവൈത്തിലെ ഇന്ത്യക്കാര്‍ക്ക് പൊതുമാപ്പ് സംബന്ധിച്ച മാര്‍ഗനിര്‍ദ്ദേശങ്ങള്‍ നല്‍കി ഇന്ത്യന്‍ എംബസി. പാസ്‌പോർട്ട് നഷ്‌ടപ്പെടുകയും എമർജൻസി സർട്ടിഫിക്കറ്റിന് (ഇസി) അപേക്ഷിക്കാൻ ആഗ്രഹിക്കുകയും ചെയ്യുന്ന ഇന്ത്യൻ പൗരന്മാർ, പൊതുമാപ്പ് പദ്ധതിക്ക് കീഴിൽ ഇന്ത്യയിലേക്ക് മടങ്ങുന്നതിനായി ബന്ധപ്പെട്ട അപേക്ഷാ ഫോമുകൾ പൂരിപ്പിച്ച് ആവശ്യമായ നിരക്കുകൾ സഹിതം ബിഎൽഎസ് നിയന്ത്രിക്കുന്ന മൂന്ന് ഇന്ത്യൻ കോൺസുലർ ആപ്ലിക്കേഷൻ സെന്‍ററുകളില്‍ (ICAC) ഏതിലെങ്കിലും നൽകണം.
ഇതിനകം തന്നെ ഇ.സി ഫോമുകൾ പൂരിപ്പിച്ച് എംബസിയിൽ നിന്ന് ആവശ്യമായ ടോക്കണുകൾ നേടിയവർ ടോക്കണിൽ സൂചിപ്പിച്ചിരിക്കുന്ന തീയതിയിൽ ബിഎൽഎസ് സെന്‍ററുകള്‍ സന്ദർശിച്ച് നിർബന്ധിത ഇസി ഫീസിനൊപ്പം ഇസി അപേക്ഷ സമർപ്പിക്കാൻ എംബസി നിർദ്ദേശിച്ചു. മാർച്ച് 21 മുതൽ ഏപ്രിൽ എട്ട് വരെയുള്ള എല്ലാ ടോക്കണുകളും ഇതിനകം ബുക്ക് ചെയ്തിട്ടുള്ളതിനാൽ, ഈ കാലയളവിൽ ഈ ടോക്കൺ ഉടമകൾക്ക് മാത്രമേ ബിഎൽഎസ് സെന്‍ററുകളില്‍ സേവനം ലഭിക്കുകയുള്ളൂ.
Read Also - കാർ ഡിവൈഡറിൽ കൂട്ടിയിടിച്ച് മറിഞ്ഞു; മരിച്ചത് ഒരു കുടുംബത്തിലെ നാലു പേര്‍, മൂന്ന് മാസം പ്രായമുള്ള കുഞ്ഞും
അപേക്ഷകൾ സമർപ്പിച്ചതിന് ശേഷം, അപേക്ഷകൻ അടുത്ത പ്രവൃത്തി ദിവസം ബിഎൽഎസ് നൽകിയ നിർദ്ദിഷ്‌ട സമയത്ത് എംബസി സന്ദർശിക്കേണ്ടതുണ്ട്. ഇനി മുതൽ, ടോക്കണുകൾ മൂന്ന് ബിൽഎസ് സെൻററുകളില്‍ മാത്രമേ നൽകൂ, എംബസിയിൽ അവ ലഭിക്കില്ലെന്നുള്ള കാര്യം ശ്രദ്ധിക്കണം. ടോക്കണുകൾക്കായി അപേക്ഷിക്കുന്നവർ അടുത്ത ലഭ്യമായ തീയതികളിൽ ഇസി ഫോമുകൾ സമർപ്പിക്കുന്നതിനുള്ള ടോക്കൺ ലഭിക്കുന്നതിന് എല്ലാ പ്രവൃത്തി ദിവസങ്ങളിലും (വെള്ളിയാഴ്ച ഒഴികെ) ഉച്ചയ്ക്ക് 2 മുതൽ 4 വരെ മാത്രം BLS സെന്‍ററുകള്‍ സന്ദർശിക്കാൻ അധികൃതര്‍ അഭ്യര്‍ത്ഥിച്ചു. മുൻകൂർ ടോക്കണുകൾ എടുക്കാത്തവർക്ക് ഏപ്രിൽ 8 ന് ശേഷം എന്തെങ്കിലും സ്ലോട്ട് ലഭ്യമാണെങ്കിൽ മാത്രമേ അനുവദിക്കൂ. മാത്രമല്ല, എല്ലാ അപേക്ഷകരും ഫോമിൽ അഭ്യർത്ഥിച്ച വിശദാംശങ്ങൾ കൃത്യമായി പൂരിപ്പിച്ചിട്ടുണ്ടെന്ന് ഉറപ്പുവരുത്തണം അല്ലെങ്കിൽ അത് സ്വീകരിക്കില്ല.
പൊതുമാപ്പ് പ്രയോജനപ്പെടുത്താനും പിഴകള്‍ അടച്ച് അവരുടെ റെസിഡൻഷ്യൽ സ്റ്റാറ്റസ് ശരിയാക്കാനും ആഗ്രഹിക്കുന്ന ഒരാൾക്ക് അവരുടെ പാസ്‌പോർട്ട് കാലഹരണപ്പെട്ടിട്ടുണ്ടെങ്കില്‍, മൂന്ന് ബിഎൽഎസ് കേന്ദ്രങ്ങളിൽ ഏതെങ്കിലും ഒന്നിലേക്ക് പാസ്‌പോർട്ട് വീണ്ടും നൽകുന്നതിന് പുതിയ സ്പോണ്‍സര്‍ ഒപ്പിട്ട സമ്മതപത്രവും പുതിയ സ്പോൺസറുടെ സിവിൽ ഐഡി പകർപ്പും മറ്റ് ആവശ്യമായ രേഖകളും ഫീസും മുഖേന അപേക്ഷിക്കാവുന്നതാണ്.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം
