സ്ത്രീകള്ക്ക് മാത്രം പ്രവേശനമുള്ള സ്ഥലങ്ങളില് സ്ത്രീ വേഷം ധരിച്ചോ അല്ലാതെയോ പ്രവേശിക്കുന്ന പുരുഷന്മാര്ക്ക് എതിരെയും നടപടിയുണ്ടാകും.
അബുദാബി: യുഎഇയില് (UAE) വാക്കു കൊണ്ടോ പ്രവൃത്തി കൊണ്ടോ പൊതുനിരത്തുകളില് സ്ത്രീകളെ (women) ശല്യം ചെയ്യുന്നവര്ക്കെതിരെ കര്ശന നടപടിയുമായി യുഎഇ. 2021ലെ ഫെഡറല് നിയമം 31ലെ 412-ാം അനുച്ഛേദം അനുസരിച്ച് പൊതുവഴിയില് സ്ത്രീകളെ ശല്യപ്പെടുത്തുകയോ സാമൂഹിക മാധ്യമങ്ങളിലെ പോസ്റ്റുകളിലൂടെ അപമാനിക്കുകയോ ചെയ്താല് ഒരു വര്ഷത്തില് കവിയാത്ത ജയില് ശിക്ഷയും 10,000 ദിര്ഹം (രണ്ട് ലക്ഷം ഇന്ത്യന് രൂപ) പിഴയുമാണ് ശിക്ഷയെന്ന് യുഎഇ പബ്ലിക് പ്രോസിക്യൂഷന് വ്യക്തമാക്കി.
സ്ത്രീകള്ക്ക് മാത്രം പ്രവേശനമുള്ള സ്ഥലങ്ങളില് സ്ത്രീ വേഷം ധരിച്ചോ അല്ലാതെയോ പ്രവേശിക്കുന്ന പുരുഷന്മാര്ക്ക് എതിരെയും നടപടിയുണ്ടാകും. സമൂഹത്തില് നിയമ സംസ്കാരം പ്രോത്സാഹിപ്പിക്കുന്നതിന്റെ ഭാഗമായി സോഷ്യല് മീഡിയയിലും മറ്റും ബോധവത്കരണം നടത്തുന്നതായും പബ്ലിക് പ്രോസിക്യൂഷന് കൂട്ടിച്ചേര്ത്തു.
യാത്രക്കാർക്ക് ക്വാറന്റീൻ ചാർജ് തിരിച്ചുനൽകണമെന്ന് വിമാന കമ്പനികളോട് സൗദി സിവിൽ ഏവിയേഷൻ
സൗദി അറേബ്യയിൽ കൊവിഡ് സുരക്ഷാ നിയന്ത്രണങ്ങള് പിൻവലിച്ചു, ഇനി മാസ്കും ക്വാറന്റീനും വേണ്ട
റിയാദ്: സൗദി അറേബ്യയിലെ (Saudi Arabia) കൊവിഡ് സുരക്ഷാ മാനദണ്ഡങ്ങൾ (Covid restrictions) പിൻവലിച്ചു. തുറസായ സ്ഥലങ്ങളില് മാസ്ക് ധാരണവും സാമൂഹിക അകലം പാലനവും (social distance and wearing masks outdoor) ഒഴിവാക്കി. എന്നാല് അടച്ചിട്ട റൂമുകൾക്കകത്ത് (indoors) മാസ്ക് ധരിക്കണം.
കൊവിഡ് വാക്സിൻ ഡോസുകൾ പൂർത്തിയാക്കാത്തവർ സൗദിയിലേക്ക് പ്രവേശിക്കുമ്പോഴുള്ള ഹോട്ടല്, ഹോം ക്വാറന്റീനുകൾ ഒഴിവാക്കി. രാജ്യത്തേക്ക് പ്രവേശിക്കാൻ നെഗറ്റീവ് പി.സി.ആർ അല്ലെങ്കില് ആന്റിജൻ പരിശോധന ഫലവും ഇനി ആവശ്യമില്ല. മക്കയിലെ മസ്ജിദുൽ ഹറം, മദീനയിലെ മസ്ജിദുന്നബവി എന്നിവിടങ്ങളിലും രാജ്യത്തെ മറ്റു പള്ളികളിലും സാമൂഹിക അകലം പാലിക്കൽ ഒഴിവാക്കി. എന്നാൽ ഇവിടങ്ങളിൽ മാസ്ക് ധരിക്കേണ്ടത് നിർബന്ധമാണ്. ആഭ്യന്തര മന്ത്രാലയം പ്രഖ്യാപിച്ച ഇളവുകള് ഇതിനോടകം നിലവില് വന്നു. രാജ്യത്തേത്ത് സന്ദര്ശക വിസകളില് വരുന്നവര് കൊവിഡ് രോഗ ബാധിതരായാല് അതിന്റെ ചികിത്സയ്ക്ക് ആവശ്യമായ ഇന്ഷുറന്സ് എടുത്തിരിക്കണം.
ലോകാരോഗ്യ സംഘടനയുടെ മഹാമാരി പ്രതിരോധ ഉപദേശക സമിതിയില് ആദ്യ എമിറാത്തി വനിത
ദുബൈ: ലോകാരോഗ്യ സംഘടനയുടെ (WHO) മഹാമാരി പ്രതിരോധ ഉപദേശക സമിതിയില് ഇടംപിടിച്ച് എമിറാത്തി വനിത. ആദ്യമായാണ് ഒരു എമിറാത്തി വനിത ലോകാരോഗ്യ സംഘടനയുടെ മഹാമാരി പ്രതിരോധ ഉപദേശക സമിതിയില് ഉള്പ്പെടുന്നത്. യുഎഇയുടെ ആരോഗ്യകാര്യ വക്താവ് ഡോ. ഫരീദ അല് ഹൊസാനിക്കാണ് (Dr Farida AlHosani) ഈ അംഗീകാരം.
2022-2024 കാലയളവില് ഡോ. ഫരീദ ലോകാരോഗ്യ സംഘടനയുടെ പാന്ഡമിക് പ്രിപയര്ഡ്നസ് ഫ്രെയിംവര്ക്ക് അഡൈ്വസറി ഗ്രൂപ്പില് ഉണ്ടാകും. അബുദാബി പബ്ലിക് ഹെല്ത്ത് സെന്ററിന്റെ പകര്ച്ചവ്യാധി വിഭാഗം എക്സിക്യൂട്ടീവ് ഡയറക്ടര് കൂടിയാണ് ഡോ. ഫരീദ. പകര്ച്ചവ്യാധികളെ കുറിച്ച് മുന്നറിയിപ്പ് സംവിധാനം കൂടുതല് ശക്തമാക്കുന്നതും വികസ്വരരാജ്യങ്ങളിലേക്ക് രോഗപ്രതിരോധ മരുന്നുകളും വാക്സിനുകളും വിതരണം സജീവമാക്കുന്നതുമാണ് സമിതിയുടെ പ്രധാന ലക്ഷ്യമെന്ന് ലോകാരോഗ്യ സംഘടന വാര്ത്താ കുറിപ്പില് അറിയിച്ചു.
