പ്രവാസി മലയാളി ഹൃദയാഘാതത്തെ തുടര്ന്ന് മരിച്ചു.
റിയാദ്: ഹൃദയാഘാതത്തെ തുടര്ന്ന് പ്രവാസി മലയാളി മരിച്ചു. കൊല്ലം സ്വദേശിയാണ് റിയാദില് നിര്യാതനായത്. ബത്ഹ ഗുറബി മാര്ക്കറ്റില് ഇലക്ട്രിക്കല് ഷോപ്പ് നടത്തുന്ന കൊല്ലം ക്ലാപ്പന പുത്തൻ തെരുവ് പുതുതെരുവ് കാവുംതറയില് ഷമീര് അബ്ദുല് സലാം ( 38 ) ആണ് മരിച്ചത്.
ഭാര്യയും മക്കളും ഉള്പ്പെടെയുള്ള കുടുംബം റിയിദിലുണ്ട്. ഭാര്യ: അന്സില, മക്കള്: ഫൈഹ, മുഹമ്മദ് ഫര്ഹാന്, മുഹമ്മദ് ഫൗവ്സാന്. മയ്യത്ത് റിയാദില് ഖബറടക്കും. നിയമ നടപടികള് പൂര്ത്തിയാക്കുന്നതിന് സുഹൃത്തുക്കളും സാമൂഹിക പ്രവര്ത്തകരും രംഗത്തുണ്ട്.
