കുവൈത്തില് വാഹനാപകടത്തിന്റെ വീഡിയോ ദൃശ്യങ്ങള് പകര്ത്തിയ വ്യക്തിക്കെതിരെ നടപടി
കഴിഞ്ഞ ദിവസം തേര്ഡ് റിങ് റോഡിലുണ്ടായ വാഹനാപകടത്തിന്റെ ദൃശ്യങ്ങള് പകര്ത്തി സോഷ്യല് മീഡിയയില് പങ്കുവെച്ച ഒരാളെ ആഭ്യന്തര മന്ത്രാലയം വിളിപ്പിച്ചു.
കുവൈത്ത് സിറ്റി: കുവൈത്തില് വാഹനാപകടം നടന്ന സ്ഥലങ്ങളില് പരിക്കേറ്റവരുടെയും മരണപ്പെട്ടവരുടെയും മറ്റും വീഡിയോ ദൃശ്യങ്ങള് പകര്ത്തുന്നതും പ്രചരിപ്പിക്കുന്നതും നിയമപ്രകാരം കുറ്റകരമാണെന്ന് ആഭ്യന്തര മന്ത്രാലയം അറിയിച്ചു. ഇത്തരത്തില് വീഡിയോ ചിത്രീകരിക്കുന്നത് ആളുകളുടെ അന്തസിനും മൃതദേഹങ്ങളുടെ പവിത്രതയ്ക്കും എതിരായ പ്രവര്ത്തനമായി കണക്കാക്കുമെന്നും അധികൃതര് അറിയിച്ചു.
കഴിഞ്ഞ ദിവസം തേര്ഡ് റിങ് റോഡിലുണ്ടായ വാഹനാപകടത്തിന്റെ ദൃശ്യങ്ങള് പകര്ത്തി സോഷ്യല് മീഡിയയില് പങ്കുവെച്ച ഒരാളെ ആഭ്യന്തര മന്ത്രാലയം വിളിപ്പിച്ചു. രാജ്യത്തെ പ്രവാസികളും സ്വദേശികളും പൊതുമര്യാദകള് പാലിക്കണമെന്നും ഇത്തരം വീഡിയോ ക്ലിപ്പുകള് പ്രചരിപ്പിക്കാതെ ആളുകളുടെ മാന്യതയെ ബഹുമാനിക്കണമെന്നും അധികൃതര് ഓര്മിപ്പിച്ചു. ഇത്തരത്തിലുള്ള പ്രവൃത്തികള് നിയമനടപടികള് ക്ഷണിച്ചുവരുത്തുമെന്നും ആഭ്യന്തര മന്ത്രാലയം മുന്നറിയിപ്പ് നല്കിയിട്ടുണ്ട്.
Read also: നാട്ടിലേക്ക് പോകാനുള്ള ഒരുക്കങ്ങള്ക്കിടെ പ്രവാസി മലയാളി മരിച്ചു
ദുബൈ ഡ്രാഗണ് മാര്ട്ടില് തീപിടിത്തം
ദുബൈ: ദുബൈ ഇന്റര്നാഷണല് സിറ്റി ഏരിയയിലെ ഡ്രാഗണ് മാര്ട്ടില് തീപിടിത്തം. ഞായറാഴ്ച ഉച്ചകഴിഞ്ഞുണ്ടായ തീപിടിത്തം സിവില് ഡിഫന്സ് നിയന്ത്രണവിധേയമാക്കി.
തീപിടിത്തത്തെ കുറിച്ച് ഉച്ചയ്ക്ക് 4:57ന് ഓപ്പറേഷന്സ് റൂമില് വിവരം ലഭിച്ച ഉടന് റാഷിദിയ ഫയര് സ്റ്റേഷനില് നിന്നുള്ള അഗ്നിശമനസേന അംഗങ്ങള് സ്ഥലത്തെത്തി. പത്ത് മിനിറ്റിനുള്ളില് തീപിടിത്തം നിയന്ത്രണവിധേയമാക്കി. സംഭവത്തില് ആര്ക്കും പരിക്കേറ്റിട്ടില്ല. ഗാര്ബേജിലും മൂന്ന് കാറിലുമാണ് ആദ്യം തീപടര്ന്നത്. പിന്നീട് കെട്ടിടത്തിന്റെ ഭിത്തിയിലേക്ക് തീ പടരുകയായിരുന്നു. വൈകുന്നേരം 5.17ന് തീ നിയന്ത്രണവിധേയമാക്കി. തീപിടിത്തത്തിന്റെ കാരണം അന്വേഷിക്കാന് സ്ഥലം ബന്ധപ്പെട്ട വകുപ്പുകള്ക്ക് കൈമാറി.
ചികിത്സാ പിഴവ് കാരണം രോഗിയുടെ കാഴ്ച നഷ്ടമായി; രണ്ട് ഡോക്ടര്മാര്ക്ക് ജയില് ശിക്ഷ
മദ്യ ലഹരിയില് യുവാവ് ഹോട്ടലില് തീയിട്ടു; അര്ദ്ധരാത്രി അഗ്നിശമന സേന ഒഴിപ്പിച്ചത് 140 പേരെ
മനാമ: ബഹ്റൈനില് യുവാവ് മദ്യ ലഹരിയില് ഹോട്ടലിന് തീയിട്ടു. രക്ഷാപ്രവര്ത്തനത്തിന്റെ ഭാഗമായി ഹോട്ടലിലുണ്ടായിരുന്ന 140 അതിഥികളെ അധികൃതര് ഒഴിപ്പിച്ചു. ഹോട്ടലില് തീയിട്ട ശേഷം സംഭവത്തിന്റെ വീഡിയോ ദൃശ്യങ്ങള് ചിത്രീകരിക്കുകയും ചെയ്ത 38 വയസുകാരനെ പിന്നീട് പൊലീസ് അറസ്റ്റ് ചെയ്തു.
ബഹ്റൈന് തലസ്ഥാനമായ മനാമയിലെ ഒരു ഹോട്ടലില് കഴിഞ്ഞ ദിവസം രാവിലെയായിരുന്നു അപകടം. സ്വദേശിയായ യുവാവ് ഹോട്ടലിലെ റസ്റ്റോറന്റില് നിന്ന് പുലര്ച്ചെ രണ്ട് മണിക്ക് മൂന്നാം നിലയിലെ വരാന്തയില് പോയ ശേഷം അവിടെയുണ്ടായിരുന്ന ഫര്ണിച്ചറിന് തീയിടുകയായിരുന്നു. തീ പിന്നീട് ഹോട്ടലിലെ കാര്പ്പറ്റുകളിലേക്കും പടര്ന്നു. തീപിടുത്തം സംബന്ധിച്ച വിവരം ലഭിച്ചതിന് പിന്നാലെ അഗ്നിശമന സേനയുടെ 10 യൂണിറ്റുകള് സ്ഥലത്തെത്തി. ഹോട്ടലിലെ അഗ്നിശമന സേനാ സംവിധാനം തന്നെ സ്വമേധയാ പ്രവര്ത്തിച്ച് തീ നിയന്ത്രണ വിധേയമാക്കിയെന്നും യുവാവ് തീയിട്ട മുറിയില് നിന്ന് തൊട്ടടുത്ത മുറിയിലേക്ക് പോലും തീ പടര്ന്നിരുന്നില്ലെന്നും ഹോട്ടലിലെ ഒരു ജീവനക്കാരന് അറിയിച്ചു.
ഒമാനില് ജോലി സ്ഥലത്ത് മണ്ണിടിഞ്ഞു വീണ് മൂന്ന് പ്രവാസികള് മരിച്ചു; ഒരാള്ക്ക് പരിക്കേറ്റു