മലപ്പുറം കാളികാവ് അഞ്ചച്ചവടി പരിയങ്ങാട് സ്വദേശി തെക്കുംപുറവൻ വീട്ടിൽ മുഹമ്മദ് ഖാലിദ് (56) ആണ് മരിച്ചത്.
റിയാദ്: പ്രവാസി മലയാളി സൗദി അറേബ്യയില് ഹൃദയാഘാതം മൂലം മരിച്ചു. ജിദ്ദക്ക് സമീപം റാബിഖില് മലപ്പുറം കാളികാവ് അഞ്ചച്ചവടി പരിയങ്ങാട് സ്വദേശി തെക്കുംപുറവൻ വീട്ടിൽ മുഹമ്മദ് ഖാലിദ് (56) ആണ് മരിച്ചത്. റാബിഖില് ഒരു ലോൺട്രിയിൽ ജോലി ചെയ്യുകയായിരുന്നു അദ്ദേഹം. മൃതദേഹം റാബിഖ് ജനറൽ ആശുപത്രി മോർച്ചറിയില് സൂക്ഷിച്ചിരിക്കുകയാണ്. ഭാര്യ - മൈമൂന, മക്കൾ - ഇസ്രത്ത്, മുഹമ്മദ് അമീൻ, മുഹമ്മദ് അജ്മൽ, മരുമകൻ - എം.കെ. അസീസ് റഹ്മാൻ, സഹോദരങ്ങൾ - ഹംസ ഫൈസി, റുഖിയ്യ, സുലൈഖ. നടപടികള് പൂര്ത്തിയാക്കിയ ശേഷം മൃതദേഹം റാബിഖിൽ ഖബറടക്കും.
ead also: പ്രവാസികള് ആറ് മാസത്തിനുള്ളില് തിരിച്ചെത്തണമെന്ന നിബന്ധന കര്ശനമാക്കുന്നു
പ്രവാസി മലയാളി യുവാവ് വാഹനാപകടത്തില് മരിച്ചു
മസ്കത്ത്: ഒമാനിലുണ്ടായ വാഹനാപകടത്തില് മലയാളി യുവാവ് മരിച്ചു. മലപ്പുറം പൊന്നാനി കടവനാട് കക്കാട്ട് ബാലകൃഷ്ണന്റെയും (മോഹനന്) ജയശ്രീയുടെയും മകന് ഷിജില് (32) ആണ് മരിച്ചത്. ഏതാനും ദിവസങ്ങള്ക്ക് മുമ്പ് ഒമാനിലെ ഖസബിലായിരുന്നു അപകടം സംഭവിച്ചത്.
ഒമാനിലെ ഒരു കമ്പനിയില് ഏറെ നാളായി ട്രക്ക് ഡ്രൈവറായി ജോലി ചെയ്തുവരികയായിരുന്നു ഷിജില്. അദ്ദേഹം ഓടിച്ചിരുന്ന ട്രക്ക് ഖസബില് വെച്ച് മറിഞ്ഞാണ് അപകടമുണ്ടായത്. ഭാര്യ - അമൃത. മകള് - ശിവാത്മിക. നടപടിക്രമങ്ങള് പൂര്ത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര് അറിയിച്ചു.
രണ്ടുമാസം മുമ്പ് സൗദിയില് മരിച്ച പ്രവാസിയുടെ മൃതദേഹം നാട്ടിലയച്ചു
റിയാദ്: രണ്ട് മാസം മുമ്പ് സൗദി അറേബ്യയിലെ ഹായിലില് മരിച്ച ഉത്തര്പ്രദേശ് സ്വദേശിയുടെ മൃതദേഹം നാട്ടില് എത്തിച്ചു. ഹായിലിലെ സ്വകാര്യ കമ്പനി ജീവനക്കാരനായ ലക്നോ സ്വദേശി ഇമ്രാന് അലിയുടെ (28) മൃതദേഹമാണ് സാമൂഹികപ്രവര്ത്തകരുടെ ശ്രമഫലമായി നാട്ടില് അയച്ചത്.
അസുഖ ബാധിതനായി ഹായിലിലെ സ്വകാര്യ ആശുപത്രിയില് ചികിത്സയിലിരിക്കെയാണ് മരിച്ചത്. ലക്നോ എയര്പോര്ട്ടില് ഇന്ത്യന് സോഷ്യല് ഫോറം (എസ്.ഡി.പി.ഐ) ലക്നോ മണ്ഡലം കമ്മിറ്റിയുടെ നേതൃത്വത്തിലുള്ള സംഘം മൃതദേഹം ഏറ്റുവാങ്ങി കുടുംബത്തിന് കൈമാറി.
