മസ്കത്തിലെ ദുകം പൊലീസ് സ്റ്റേഷന് സമീപം തമ്പി ഓടിച്ചിരുന്ന ടാങ്കര് ലോറി മറിയുകയായിരുന്നു.
മസ്കത്ത്: ഒമാനില് ടാങ്കര് ലോറി അപകടത്തില്പെട്ട് മലയാളി ഡ്രൈവര് മരിച്ചു. മാവേലിക്കര പടിഞ്ഞാറേനട വടക്കേക്കര തറയില് ടി. തമ്പി (56) ആണ് മരിച്ചത്. കഴിഞ്ഞ ദിവസം രാവിലെയായിരുന്നു അപകടം. മസ്കത്തിലെ ദുകം പൊലീസ് സ്റ്റേഷന് സമീപം തമ്പി ഓടിച്ചിരുന്ന ടാങ്കര് ലോറി മറിയുകയായിരുന്നു.
വര്ഷങ്ങളായി പ്രവാസിയായിരുന്ന തമ്പനി ഒന്നര വര്ഷം മുമ്പാണ് അവസാനമായി നാട്ടിലെത്തി മടങ്ങിയത്. ഭാര്യ - ഗീത തമ്പി. മക്കള് - വിഷ്ണു തമ്പി, അഞ്ജു തമ്പി. മരുമകന് - ഹരി (മസ്കത്ത്). നടപടികള് പൂര്ത്തിയാക്കിയ ശേഷം മൃതദേഹം നാട്ടിലെത്തിക്കാനുള്ള ശ്രമങ്ങള് തുടരുന്നു.
Read also: മൂന്ന് മാസം മുമ്പ് നാട്ടില് നിന്നെത്തിയ പ്രവാസി യുവാവ് തൂങ്ങി മരിച്ചു
പിക്കപ്പ് വാൻ ഒട്ടകവുമായി കൂട്ടിയിടിച്ച് പ്രവാസി യുവാവ് മരിച്ചു
റിയാദ്: സൗദി അറേബ്യയില് പിക്കപ്പ് വാൻ ഒട്ടകവുമായി കൂട്ടിയിടിച്ച് പ്രവാസി യുവാവ് മരിച്ചു. സൗദി അറേബ്യയുടെ മധ്യ പ്രവിശ്യയിലെ ലൈല അഫ്ലാജിൽ നിന്ന് നൂറ് കിലോമീറ്റർ അകലെ അദ്ദാർ റോഡിൽ ഉണ്ടായ അപകടത്തിൽ ഉത്തർ പ്രദേശ് ജോൺപ്പൂർ സ്വദേശി ശലം ഷാ (34) ആണ് മരിച്ചത്.
ദീർഘകാലമായി സൗദി അറേബ്യയിൽ പ്രവാസിയാണ് ശലം ഷാ. പിതാവ് - ബുല്ലാൻ ഷാ, മാതാവ് - അജിബുൻ, ഭാര്യ - ഗുൽസെറ.
നടപടികള് പൂര്ത്തിയാക്കിയ ശേഷം മൃതദേഹം സൗദി അറേബ്യയിൽ ഖബറടക്കുമെന്ന് ബന്ധപ്പെട്ടവര് അറിയിച്ചു. നടപടി ക്രമങ്ങളുമായി ലൈല അഫ്ലാജ് കെ.എം.സി.സി പ്രസിഡന്റ് മുഹമ്മദ് രാജ, സുനി അദ്ധാർ, റഹ്മാൻ കൊല്ലം, കെ കെ അഷ്റഫ് കണ്ണൂർ, മുസ്തഫ മാവറ, സി എം നാസർ കൊടുവള്ളി, റിയാദ് മലപ്പുറം ജില്ലാ കെ.എം.സി.സി വെൽഫെയർ വിംഗ് ചെയർമാൻ റഫീഖ് പുല്ലൂർ എന്നിവർ രംഗത്തുണ്ട്.