കഴിഞ്ഞ വര്ഷം രണ്ടാം പാദത്തിനും ഈ വര്ഷം രണ്ടാം പാദത്തിനും ഇടയില് 5,71,333 വിദേശികള്ക്കാണ് സര്ക്കാര്, സ്വകാര്യ മേഖലയില് ജോലി നഷ്ടപ്പെട്ടത്.
റിയാദ്: സൗദി അറേബ്യിയിലെ (Saudi Arabia) സ്വകാര്യ മേഖലയില് ഒരു വര്ഷത്തിനിടെ അഞ്ചര ലക്ഷത്തിലേറെ വിദേശികള്ക്ക് തൊഴില് നഷ്ടപ്പെട്ടതായി ഔദ്യോഗിക കണക്കുകള് വ്യക്തമാക്കുന്നു. വിദേശ തൊഴിലാളികളുടെ എണ്ണം 8.52 ശതമാനം തോതില് ഒരു കൊല്ലത്തിനിടെ കുറഞ്ഞു.
കഴിഞ്ഞ വര്ഷം രണ്ടാം പാദത്തിനും ഈ വര്ഷം രണ്ടാം പാദത്തിനും ഇടയില് 5,71,333 വിദേശികള്ക്കാണ് സര്ക്കാര്, സ്വകാര്യ മേഖലയില് ജോലി നഷ്ടപ്പെട്ടത്. ഇക്കഴിഞ്ഞ ജൂണ് അവസാനത്തെ കണക്കുകള് പ്രകാരം സ്വകാര്യ മേഖലകളില് ആകെ വിദേശ തൊഴിലാളികള് 61,35,126 ആണ്. കഴിഞ്ഞ വര്ഷം ജൂണ് അവസാനത്തില് സ്വകാര്യ മേഖലയിലെ വിദേശ തൊഴിലാളികള് 67,06,459 ആയിരുന്നു. ജനറല് ഓര്ഗനൈസേഷന് ഫോര് സോഷ്യല് ഇന്ഷുറന്സ് കണക്കുകള് പ്രകാരം ഒരു വര്ഷത്തിനിടെ സ്വകാര്യ മേഖലയിലെ ആകെ ജീവനക്കാരുടെ എണ്ണത്തില് 4,74,382 പേരുടെ കുറവുണ്ടായി. ആകെ ജീവനക്കാരുടെ എണ്ണം 5.46 ശതമാനം തോതിലാണ് കുറഞ്ഞത്.
