House fire in Oman: ഒമാനില്‍ വീടിന് തീപിടിച്ചു; ഒരാള്‍ക്ക് പരിക്ക്
ഒമാനില്‍ ബുറേമി വിലയത്തിലെ തെക്കൻ ഒഖ്ദ പ്രദേശത്ത് വീടിന് തീപ്പിടിച്ച് ഒരാള്‍ക്ക് പരിക്കേറ്റു
മസ്‍കത്ത്: ഒമാനിലെ ബുറേമി ഗവര്‍ണറേറ്റിൽ (Al Buraimi, Oman) വീടിന് തീപ്പിടിച്ച് ഒരാള്‍ക്ക് പരിക്കേറ്റു. ബുറേമി വിലയത്തിലെ തെക്കൻ ഒഖ്ദ (Southern Oqdah) പ്രദേശത്തായിരുന്നു അപകടമെന്ന് സിവില്‍ ഡിഫന്‍സ് (Civil Defence and Ambulance Authority) അധികൃതര്‍ അറിയിച്ചു. വിവരം ലഭിച്ചതനുസരിച്ച് ബുറേമി ഗവര്‍ണറേറ്റിലെ സിവില്‍ ഡിഫന്‍സ് ആന്റ് ആംബുലന്‍സ് വകുപ്പിലെ അഗ്നിശമന സേനാംഗങ്ങളെത്തി തീ നിയന്ത്രണ വിധേയമാക്കുകയും അപകടത്തില്‍പ്പെട്ടയാളിന് വൈദ്യസഹായം നല്‍കുകയും ചെയ്തു. ഇയാളെ പിന്നീട് ചികിത്സക്കായി ആശുപത്രിയിലേക്ക് മാറ്റിയതായും അറിയിപ്പില്‍ പറയുന്നു.
Last Updated Jan 17, 2022, 11:56 PM IST
